Xalq ta’limi vaziri Sherzod Shermatovdan yana bir yangi tashabbus...

  • 02 iyul 2018, 13:37
  • 4 311
  • Jamiyat
  • Xalq ta’limi vaziri Sherzod Shermatovdan yana bir yangi tashabbus...
    Xalq ta’limi vaziri Sh.Shermatov kecha, 1 iyul kuni “Facebook”dagi sahifasi orqali yana bir yangi tashabbus bilan chiqdi.

    “Yaqinda Toshkentda bo‘lib o‘tgan xorijdagi vatandoshlar qatnashgan forumda ishtirok etganimda, muhokama va tavsiyalar juda qizg‘in va foydali bo‘ldi, — deb yozadi Xalq ta’limi vaziri. — Ayniqsa, ta’lim seksiyasida mavjud kamchiliklar juda qattiq tanqid qilindi. Ushbu sohada ko‘pchilik tomonidan yaxshi maslahatlar berildi. Muhokama so‘ngida quyida keltirilgan rasmdagi holatni ko‘rsatib, tadbir ishtirokchilariga qarata shu kamchiliklarni tuzatish hamda yuqorida aytilgan yaxshi tavsiyalarni amalga joriy etish bo‘yicha hamkorlikda ishlashni, Xalq ta’limi vazirligi tizimida boshqarma, bo‘lim boshliqlaridan tortib maktab direktorlari darajasigacha rahbar lavozimlarga juda katta ehtiyoj borligini aytdim. Tadbirdan so‘ng tanishlarim menga xorijda yurgan ko‘pgina vatandoshlarimizning qaytib kelish niyati bor ekanini, lekin ular haligacha ikkilanayotganlarini aytishdi”.

    Foto: Facebook / Sherzod Shermatov


    Foto: Facebook / Sherzod Shermatov

    Sh.Shermatovning qayd etishicha, Prezident Shavkat Mirziyoyev tomonidan o‘tgan yili sentyabr oyida AQSHdagi vatandoshlar bilan bo‘lib o‘tgan uchrashuvda O‘zbekistonning rivojlanishiga o‘z hissasini qo‘shmoqchi bo‘lganlarga mamlakatga qaytib kelish bo‘yicha aniq taklif bo‘lgan edi. Ushbu taklif natijasida, xalqaro banklarda juda katta tajriba va lavozimga erishgan Otabek Nazirov hozirgi kunda Xalq ta’limi vaziri o‘rinbosari lavozimida faoliyat yuritmoqda.

    “Chet davlatda o‘qiganlarning deyarli barchasi Maslouning inson ehtiyojlari iyerarxiyasi haqida eshitgan bo‘lsa kerak. Iqtisodiy rivojlangan chet el mamlakatlaridagi vatandoshlarimizga biz aynan ushbu iyerarxiyaning eng cho‘qqisidagi ehtiyojlarini qondirishga imkoniyat yaratmoqchimiz! — deydi vazir. — Prezidentimiz tomonidan Xalq ta’limi tizimini tubdan isloh qilish bo‘yicha qat’iy vazifalar belgilab berilgan, bu haqda qator yig‘ilishlarda ham bir necha bor qayd etildi. Muammolar, taklif va maslahatlar ham juda ko‘p yig‘ilib qolgan. Endi ularni hayotga joriy qilish uchun butun tizim bo‘yicha chin dildan harakat qiladigan jamoa tuzilishi kerak. Shuning uchun, O‘zbekistonga qaytib, mamlakatimiz kelajagi uchun xuddi Otabek Nazirovga o‘xshab haqiqatan o‘z hissasini qo‘shmoqchi bo‘lgan vatandoshlarimiz bo‘lsa, ularni xalq ta’limi tizimiga taklif etamiz va imkon boricha sharoit yaratib berishga harakat qilamiz”.

    Qiziquvchilar bo‘lsa, hr.uzedu@gmail.com elektron pochta manziliga o‘zi haqidagi hamda bog‘lanish bo‘yicha ma’lumotlarni yuborishi so‘raladi.

    Facebook орқали авторизация
    Ma'lumot

    Посетители, находящиеся в группе Гости, не могут оставлять комментарии к данной публикации.
    » » Xalq ta’limi vaziri Sherzod Shermatovdan yana bir yangi tashabbus...