16:03 / 21.07.2018
15 908

Er-xotinlar ajrashib ketishini qiyinlashtirishning “yangicha usuli” o‘ylab topildi

Эр-хотинлар ажрашиб кетишини қийинлаштиришнинг "янгича усули" ўйлаб топилди
Respublika hukumat rahbarlari er-xotin ajrashib ketishini qiyinlashtirish maqsadida atayin ajrashish uchun davlatga to‘lanadigan boj miqdorini to‘rt barobarga oshirishga qaror qildi.

Agar ilgari ajrashish niyatida bo‘lganlar eng kam ish haqining 50 foizi miqdorida (92, 150 so‘m) davlat boji to‘lab kelgan bo‘lsa, endi 368 ming 600 so‘m pul to‘laydi.

Ikkinchi marta ajrashish istagida fuqarolik sudiga ariza berganlar esa shu kunga qadar 221 ming 160 so‘m boj to‘lagan bo‘lsa, bundan buyon 737 ming 200 so‘m miqdorida davlat boji to‘laydi.

Eslatib o‘tamiz, 2017 yilning o‘zida jami 32 ming juftlik ajrashish haqida sudga ariza taqdim etgan. Ularning 58 foizi 8 yilgacha birga hayot kechirgan. Besh ming nafardan ortiq ajrashgan juftliklar, ya’ni, ajrashish uchun ariza berganlarning 16, 2 foizi birgalikda 2-3 yil, 5, 5 ming, yoki 17, 3 foizi 4-5 yil atrofida birgalikda umrguzaronlik qilgan.

Adliya vazirligining ma’lumotiga ko‘ra, ajrashgan oilalar soni 2016 yilga nisbatan 8 foizga ko‘paygan.

arenda kvartira tashkent


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Jamiyat » Er-xotinlar ajrashib ketishini qiyinlashtirishning “yangicha usuli” o‘ylab topildi