Toshkent shahrining tumanlaridan biri Shayxontohur deb ataladi. Juda qadim tarixga ega bu manzilning nomi ham o‘ziga yarasha qadimiy va ulug‘dir. Xo‘sh, xalq tilida Shayxontohur, aslida Shayx Xovand Tohur ism-sharifli zot kim bo‘lgan?
Tarixiy manbalarda zikr etilishicha, Shayx Xovand Tohur ilohiyot va tariqat ilmining yirik namoyandalaridan biri bo‘lgan. Bu zotning otalari asli Bo‘stonliq tumanidagi Bog‘iston qishlog‘idan bo‘lib, o‘z davridagi mashhur mutasavvif Shayx Umar Bog‘istoniydir. Shayx Xovand Tohur ilohiyot va tariqat ilmining ilk saboqlarini o‘z padari buzrukvorlaridan olgan.
Manbalarga ko‘ra, Shayx Umar Bog‘istoniyning nasabnomasiga qaraganda, o‘n olti ota-bobo bilan payg‘ambarimiz Muhammad (s.a.v)dan keyin xalifalik masnadiga o‘tirgan chahoryorlarning ikkinchisi - Hazrat Umar ibn Hattobga borib tutasharkan.
Shayx Xovand Tohur 1355 yilda vafot etib, hozirgi Shayxontohur maqbarasi qad ko‘targan joyga dafn etilgan. Shayx dafn etilgan mozor ziyoratgohga aylangan.
XV asrning ikkinchi yarmida Xoja Ahror Valiy Shayx Xovand Tohur qabrlari ustiga maqbara qurdiradi. Ma’lumot uchun, Xoja Ahror Valiyning onalari Xoja Dovudning qizlari bo‘lgan. Xoja Dovud esa Shayx Xovand Tohurning o‘g‘illari edi. Ammo mazkur maqbara zamonlar o‘tishi bilan nurab, bizgacha yetib kelmagan. Hozirgi maqbara esa eski maqbaraning tarixi va loyihasi asosida XIX asrda qaytadan qurib tiklangan. Bu tabarruk go‘sha bugungi kunda obod majmuaga aylantirilgan.
Manba: Kun.uz
“Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Shveysariya prezidenti Putinga maktub yo‘lladi
Germaniyaning Knauf kompaniyasi Rossiyadan butunlay chiqib ketishini tasdiqladi
Damas uchun onlayn kontraktatsiya ochiladi
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
Ramzan Qodirovning 19 yoshli qizi medal bilan taqdirlandi
O‘zbekistonda o‘tgan uch oyda qancha avtomobil ishlab chiqarilgan?
AQSHning Suriyadagi harbiy bazasiga raketalar hujum qildi
Olimlar o‘quvchilarning familiyasidagi bosh harf ularning bahosiga ta’sir qilishini aniqladi