12 368
Bosh prokuraturaning oʻzi Gulnora Karimova va uning qizi haqida maʼlumot berdi (foto)
Oʻzbekiston birinchi prezidenti Islom Karimovning nabirasi Imon Karimova mamlakatni hech qanday toʻsqinliksiz tark etdi. Bu haqda Oʻzbekiston Bosh prokuraturasi matbuot xizmati ham maʼlum qildi deydi Kun.uz nashri.
Gulnora Karimovaning qizi Imon Karimova 28 sentyabr kuni Toshkentdan Londonga uchib ketgandi. U Toshkent-London yoʻnalishi boʻyicha parvoz qilgan “Oʻzbekiston havo yoʻllari”ning HY201 reysiga oʻtirish taloni tasvirlangan suratni Instagramʻdagi sahifasida eʼlon qilgan.
“Imon Karimova Oʻzbekistondan chiqib ketganligini va buning uchun hech bir rasmiy toʻsqinlik yoʻq ekanligini tasdiqlaymiz”, – dedi Bosh prokuratura matbuot xizmati vakili.
Uning maʼlum qilishicha, Imon Karimovaning onasi – Gulnora Karimova esa qonun bilan belgilangan tartibda jazo oʻtashni davom etmoqda.
“Jinoyat ishlari boʻyicha Toshkent viloyat sudining 2015 yil 21 avgustdagi hukmi bilan Karimova oʻzi ayblangan jinoyatlarni sodir etishda aybdor deb topildi va unga besh yilga ozodlikni cheklash tarzidagi jazo belgilangan”, – deyiladi xabarda.
Shuningdek, Imon Karimovaning Instagramʻdagi sahifasida eʼlon qilgan suratga koʻra, u Londondagi London school of economicsʻda tahsil olishni boshlagan.
“Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ramzan Qodirovning 19 yoshli qizi medal bilan taqdirlandi
Shveysariya prezidenti Putinga maktub yo‘lladi
O‘zbekistonda o‘tgan uch oyda qancha avtomobil ishlab chiqarilgan?
Germaniyaning Knauf kompaniyasi Rossiyadan butunlay chiqib ketishini tasdiqladi
Damas uchun onlayn kontraktatsiya ochiladi
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
Futzal. Osiyo Kubogi. Tojikiston Yaponiyani guruhda qoldirdi
AQSHning Suriyadagi harbiy bazasiga raketalar hujum qildi