Toshkent shahrining sobiq hokimi Yunusobod tumaniga hokim etib tayinlandi

  • 03 oktyabr 2018, 22:00
  • 2 631
  • Jamiyat
  • Toshkent shahrining sobiq hokimi Yunusobod tumaniga hokim etib tayinlandi
    2018 yilning 3 oktyabr kuni Xalq deputatlari Yunusobod tuman Kengashining navbatdan tashqari sessiyasi boʻlib oʻtdi, deb xabar bermoqda poytaxt hokimligi matbuot xizmati.

    Sessiyada tashkiliy masala koʻrildi. 2018 yilning aprel oyidan Oʻzbekiston avtomobil transporti agentligi rahbarining birinchi oʻrinbosari lavozimida ishlab kelayotgan Rahmonbek Jahongirovich Usmonov Yunusobod tumani hokimi etib tayinlandi.

    Maʼlumot uchun: Rahmonbek Usmonov 1960 yil Toshkent shahrida tugʻilgan. Millati oʻzbek. Maʼlumoti oliy. 1982 yil Toshkent avtomobil yoʻllari institutini tamomlagan. “Mehnat shuhrati” ordeni bilan taqdirlangan.

    2012–2018-yillarda Toshkent shahar hokimi boʻlib ishlagan. 2018 yil aprel oyidan shu kunga qadar - Oʻzbekiston avtomobil transporti agentligi rahbarining birinchi oʻrinbosari.

    Eslatib oʻtamiz, 11 sentyabr kuni Yunusobod tumani hokimi Baxtiyor Abdusamatov katta miqdordagi pora bilan qoʻlga olingani xabar qilindi.

    Manbaning maʼlum qilishicha, B.Abdusamatov investorga joy taqdim etish maqsadida 400 ming AQSH dollari miqdoridagi pulni pora tariqasida olayotgan vaqtida ushlangan.

    Joriy yilning iyul oyi oʻrtalarida Toshkent shahrining sobiq hokimi Rahmonbek Usmonov qoʻlga olingani haqida turli xabarlar tarqalgandi.

    Biroq, Bosh prokuratura matbuot xizmati “Kun.uz” muxbiri bilan suhbatda sobiq hokim ustidan jinoiy ish ochilgani hamda bir qator ayblovlar bilan unga nisbatan tergov harakatlari boshlangani haqida internetda tarqalgan maʼlumotni rad etdi.

    Facebook орқали авторизация
    Ma'lumot

    Посетители, находящиеся в группе Гости, не могут оставлять комментарии к данной публикации.
    » » Toshkent shahrining sobiq hokimi Yunusobod tumaniga hokim etib tayinlandi