Toshkent SHIIBB Sergeli tumanida tungi vaqtda poyga oʻtkazish bilan shugʻullangan haydovchilarning shaxsini aniqladi, deb xabar berdi Kun.uz.
“Poytaxtning boshqa tumanlarida yashovchi bu shaxslar (uchtasi Shayxontohur va bittasi Uchtepa tumanida istiqomat qiladi) bunday bemaʼni harakatlarini oʻzlari yashaydigan hududda emas, hech kim tanimaydi degan ishonchda boshqa tumanga kelib amalga oshirishgan”, – deyiladi xabarda.
Ammo fuqarolarning taqdim etgan videoyozuvlari asosida Toshkent SHIIBB YHXB xodimlari tungi “ermak”da ishtirok etganlarning shaxsini aniqlashga muvaffaq boʻldi.
“Spark” avtomobili haydovchisi 23 yoshli Abduvohid Sh. Maʼmuriy javobgarlik toʻgʻrisidagi Kodeksning 129-moddasiga muvofiq (Transport vositalari haydovchilarining yoʻl harakati xavfsizligiga tahdid soluvchi guruh boʻlib harakat qilishda qatnashishi) eng kam ish haqining 2 baravari miqdorida jarimaga tortildi.
“Matiz” haydovchisi 20 yoshli Islomjon N. Maʼmuriy javobgarlik toʻgʻrisidagi Kodeksning 129-moddasiga muvofiq (Transport vositalarining tovush chiqaruvchi, yorituvchi va boshqa qurilmalaridan foydalanish, ularni oʻrnatish qoidalarini buzish) eng kam ish haqining 2 baravari miqdorida jarima toʻlaydigan boʻldi.
“Neksiya” avtomobili haydovchisi 30 yoshli Sultonmurod Sh. Maʼmuriy javobgarlik toʻgʻrisidagi Kodeksning 135-moddasida koʻzda tutilgan qoidabuzarlikni sodir etgani uchun (Yoʻl harakati qoidalarida nazarda tutilgan hujjatlari boʻlmagan shaxslarning transport vositalarini boshqarishi) eng kam ish haqining 3 baravari miqdorida jarimaga tortildi.
“Lasetti» haydovchisi 24 yoshli Qudrat V. Maʼmuriy javobgarlik toʻgʻrisidagi Kodeksning 129-moddasiga muvofiq (Transport vositalari haydovchilarining yoʻl harakati xavfsizligiga tahdid soluvchi guruh boʻlib harakat qilishda qatnashishi) eng kam ish haqining 3 baravari miqdorida jarima toʻlaydigan boʻldi.
Bundan tashqari, ularning barchasi maʼmuriy ishlar boʻyicha Sergeli tuman sudi tomonidan Maʼmuriy javobgarlik toʻgʻrisidagi Kodeksning 183-moddasida koʻzda tutilgan qoidabuzarlikni sodir etishda aybdor deb topildi (Mayda bezorilik) va ularga 3 sutkadan maʼmuriy qamoq jazosi tayinlandi. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Nebenzya G‘arbning BMT Xavfsizlik Kengashidagi nutqini ikkiyuzlamachilik paradi deb atadi
Buxoro viloyatida «Neksiya-3» avtomashinasi buklanib qoldi
Mojarodan so‘ng Ukrainani nima kutayotgani ma’lum bo‘ldi
Eronning Isroilga hujumi shunchaki spektakl edimi?..
Pentagonning sobiq tahlilchisi G‘arb nega Ukrainada tinchlik istamasligini tushuntirdi
“Tolibon” Eronning Isroilga qarshi hujumini qo‘llab-quvvatladi
Davlat xavfsizlik xizmati maklerlarga qo‘shib mansabdorlarni ham qo‘lga oldi
Shomurodov, navbat “Yuventus”ga!
