Belgilanmagan joylarga chiqindilarni tashlaganlar jarimaga tortiladi

  • 12-10-2018, 07:30
  • 355
  • Jamiyat
  • Belgilanmagan joylarga chiqindilarni tashlaganlar jarimaga tortiladi
    Foto: “Otyrar.kz”

    Belgilanmagan joylarga chiqindilarni chiqarib tashlash, toʻkish maʼmuriy javobgarlikka sabab boʻladi.

    Maʼlumotlarga koʻra, 2018 yilning 1 iyun xolatiga 13,1 mingdan ortiq (2017 yilda - 6,3 ming) ruxsat etilmagan noqonuniy chiqindixonalar tashkil etilgan.

    Shu munosabat bilan 2018 yil 10 oktyabrdagi OʻRQ-495-son qonun bilan Maʼmuriy javobgarlik toʻgʻrisidagi kodeksga yangi modda kiritildi.

    Unga koʻra belgilanmagan joylarga qattiq maishiy chiqindilarni va qurilish chiqindilarini tashlash, shuningdek suyuq maishiy chiqindilarni toʻkish — fuqarolarga 92 150 soʻmdan 552 900 soʻmgacha, mansabdor shaxslarga esa 552 900 soʻmdan 921 500 soʻmgacha jarima solishga sabab boʻladi.

    Agar ushbu huquqbuzarlik maʼmuriy jazo qoʻllanilganidan keyin ham takrorlansa — fuqarolarga 552 900 soʻmdan 921 500 soʻmgacha, mansabdor shaxslarga esa — 921 500 soʻmdan 1 mln 843 ming soʻmgacha jarima solishga sabab boʻladi.

    Mazkur qonun 2019 yil 11 yanvardan kuchga kiradi.

    » » Belgilanmagan joylarga chiqindilarni tashlaganlar jarimaga tortiladi