Fargʻonada 9 mlrd soʻmni oʻzlashtirgan avtosalon xodimi ustidan sud boshlandi

  • 13-10-2018, 07:58
  • 774
  • Jamiyat
  • Fargʻonada 9 mlrd soʻmni oʻzlashtirgan avtosalon xodimi ustidan sud boshlandi
    Fargʻonada yangi avtomashina olib berishni vaʼda qilib, koʻplab fuqarolarni “chuv” tushirgan shaxs ustidan sud jarayoni boʻlib oʻtmoqda, deb xabar beradi Kun.uz.

    Dastlabki tergov organi tomonidan “Fargʻona avtosavdo” masʼuliyati cheklangan jamiyatida ombor mudiri vazifasida ishlagan I.Telyabayev Oʻzbekiston Respublikasida ishlab chiqarilgan turli rusumlardagi avtomashinalarni navbatsiz va tez fursatda olib berishni vaʼda qilib, 2017 yilning iyul oyidan 2018 yilning may oyiga qadar jami 73 nafar fuqarolarni aldab, ularning juda koʻp miqdordagi 9 milliard 374 million soʻmdan ortiq pullarini firibgarlik yoʻli bilan qoʻlga kiritib, pullarni oʻzining shaxsiy ehtiyojlariga sarflab yuborganlikda ayblangan.

    Bugun jinoyat ishlari boʻyicha Soʻx tuman sudi tomonidan jinoyat ishlari boʻyicha Fargʻona viloyati sudining binosida, ochiq sud majlisida, firibgarlik jinoyatini sodir etganlikda ayblanayotgan I.Telyabayevga oid jinoyat ishi muhokamasi boshlandi.

    » » Fargʻonada 9 mlrd soʻmni oʻzlashtirgan avtosalon xodimi ustidan sud boshlandi