Ertaga, 18 oktyabr kuni O‘zbekiston-Rossiya ta’lim forumi doirasida Olmaliq shahrida MISiS Milliy texnologik tadqiqotlar universiteti filiali ochilish marosimi bo‘lib o‘tadi, deb xabar qilmoqda Sputnik.
Olmaliqdagi filiali ochilishi bilan universitetning, shu jumladan, xorijdagilarni ham qo‘shib hisoblaganda, filiallari soni oltitaga yetadi.
«MISiS» MTTU O‘zbekistonda o‘z bo‘limiga ega bo‘lgan to‘rtinchi Rossiya oliy ta’lim dargohiga aylanadi.
Tantanali ochilish marosimida RF Fan va oliy ta’lim vaziri Mixail Kotyukov, O‘zbekiston Bosh vaziri o‘rinbosari Aziz Abduhakimov, Rossiyadagi USM Holdings aksionerlik jamiyati asoschisi va rahbari Alisher Usmonov, «MISiS» MTTU rektori Alevtina Chernikova, OTMK boshqaruvi raisi Abdullo Xursanov ishtirok etadi.
Bugungi kunda «MISiS»da texnologik mutaxassisliklar (tog‘ ishi, metallurgiya, materialshunoslik va materiallar texnologiyasi, texnologik mashinalar) bo‘yicha O‘zbekistondan 400 nafardan ziyod talabalar va aspirantlar tahsil olmoqda.
Filialga Navoiy davlat konchilik institutining Olmaliq shahrida joylashgan binosi va Olmaliq sanoat kasb-hunar kollejining binosi tekin foydalanish uchun berilgan.
2018/2019 o‘quv yilida filial uchun ajratilgan kvota miqdori 150 kishini tashkil qiladi. Filialda o‘qitish O‘zbekiston Respublikasi davlat ta’lim standartlari talablarini e’tiborga olgan holda «MISiS» MTTU tomonidan tasdiqlangan o‘quv rejalar va dasturlar bo‘yicha amalga oshiriladi.
O‘quv jarayoniga o‘zbek mutaxassislari bilan bir qatorda Rossiyadan ham yuqori malakali o‘qituvchilar jamoasi jalb qilingan.
Respublikaning ishlab chiqarish-sanoat tarmog‘i uchun muhim ilmiy- texnologik vazifalarni hal qilishga qodir yuqori malakali muhandis-texnik kadrlarni xalqaro ta’lim standartlari darajasida tayyorlash, metallurgiya, konchilik ishi va sanoat ishlab chiqarishning boshqa tarmoqlarida fundamental va amaliy ilmiy tadqiqotlar olib borish yangi oliy ta’lim muassasasining asosiy vazifalari sirasiga kiradi. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ramzan Qodirovning 19 yoshli qizi medal bilan taqdirlandi
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
Futzal. Osiyo Kubogi. Tojikiston Yaponiyani guruhda qoldirdi
Amerikalik olimlar barcha uchun birdek foydali jismoniy faollik turini aniqladi
Damas uchun onlayn kontraktatsiya ochiladi
Rossiya dunyodagi birinchi vodorod yoqilg‘ili avtomobilni taqdim etdi
Vladimir Putin «Krokus»da sodir etilgan terakt uchun o‘ch olishga chaqirdi
O‘zbekistonda o‘tgan uch oyda qancha avtomobil ishlab chiqarilgan?