Tayland o‘zbekistonliklar uchun viza to‘lovlarini vaqtincha bekor qildi

  • 7-11-2018, 13:53
  • 421
  • Jamiyat
  • Tayland o‘zbekistonliklar uchun viza to‘lovlarini vaqtincha bekor qildi
    Tayland hukumati 2 oy muddatga O‘zbekiston fuqarolari uchun viza to‘lovlarini bekor qildi. Bu haqda "Bangkok Post" nashri xabar berdi.

    Tayland vazirlar mahkamasi 2018 yil 1 dekabrdan 2019 yil 31 yanvargacha bir qator mamlakatlar uchun viza to‘lovlarini bekor qilgan. Ushbu davlatlar ichida O‘zbekiston ham bor.

    Hukumat vakili Buddipongse Punnakantaning aytishicha, hukumat 21 ta mamlakatga Tayland vizasi uchun yig‘iladigan 2000 bat (60 dollar) to‘lovni bekor qilgan. Endilikda Andorra, Butan, Bolgariya, Xitoy, Kipr, Efiopiya, Fiji, Hindiston, Qozog‘iston, Latviya, Litva, Maldiv, Malta, Mavritaniya, Papua - Yangi Gvineya, Ruminiya, San-Marino, Saudiya Arabistoni, Tayvan, Ukraina va O‘zbekiston fuqarolari viza uchun pul to‘lamasdan Taylandda 15 kungacha bo‘lishlari mumkin.

    Xabarda keltirilishicha, 2018 yilning 9 oyi davomida mamlakatga 28,54 mln turist tashrif buyurgan va bu ko‘rsatkich 8,7 foizga o‘sgan.

    » » Tayland o‘zbekistonliklar uchun viza to‘lovlarini vaqtincha bekor qildi