14:21 / 07.12.2018
3 488

O‘zini MXX xodimi deb tanishtirgan firibgar jazoga tortildi

O‘zini MXX xodimi deb tanishtirgan firibgar jazoga tortildi
O‘zini MXX xodimi deya tanishtirib, o‘zgalar mulkini o‘zlashtirgan fuqaroga nisbatan sud hukmi chiqarildi, deb yozmoqda O‘zA.

Fuqaro A.Xolmatov (ismi sharifi o‘zgartirilgan) ham o‘zganing mulkini firibgarlik yo‘li bilan qo‘lga kiritishni maqsad qiladi. 2017 yil yanvar oyi boshlarida Sh.Rahimovaning farzandi N.Rahimov Andijon davlat tibbiyot institutiga o‘qishga kirmoqchiligidan xabar topadi. U o‘zini Milliy xavfsizlik xizmati xodimi sifatida tanishtirib, go‘yoki o‘ziga berilgan vakolatdan foydalanib, DTM maxsus hisob raqamiga davlat boji to‘lash orqali N.Rahimovni o‘qishga kiritib qo‘yishini aytib, aldab, Farg‘ona shahrida Sh.Rahimovaning 6 ming 200 AQSh dollari pul mablag‘larini qo‘lga kiritib, pullarni o‘zining ehtiyoji uchun ishlatib yuboradi.

Jinoyat ishlari bo‘yicha Farg‘ona shahar sudida sudya Sh.Umarov raisligida A.Xolmatovga oid jinoyat ishi har taraflama o‘rganib chiqilib, unga qonun doirasida jazo tayinlandi. O‘zA xabarida jazo muddati haqida aniq ma’lumot berilmagan.

arenda kvartira tashkent


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Jamiyat » O‘zini MXX xodimi deb tanishtirgan firibgar jazoga tortildi