5 367
DSQ sobiq amaldorlariga oid jinoyat ishi yopiq sudda ko‘riladi. Rashid Qodirov «ishi»-chi?
Foto: Xabar.uz
O‘zbekiston Respublikasi Davlat soliq qo‘mitasining sobiq mansabdor shaxslariga nisbatan qo‘zg‘atilgan jinoyat ishi bo‘yicha tergov harakatlari nihoyasiga yetib, ish mazmunan ko‘rib chiqish uchun jinoyat ishlari bo‘yicha Toshkent shahar sudiga yuborilgan. Biroq, «Xabar.uz» nashriga ko‘ra, jinoyat ishi ochiq sud majlisida ko‘rib chiqilmaydi.
Negaki, «delo»ga «maxfiy» tamg‘asi urilgani sabab necha nafar sobiq amaldor javobgarlikka tortilayotgani, ular Jinoyat kodeksining qaysi moddalari bilan ayblanayotgani, shuningdek, qilmishlari natijasida davlat va jamiyat manfaatlariga qancha miqdorda zarar yetgani xususida axborot olishning imkoniyati juda cheklangan.
Ma’lumi shuki, bir necha oy avval avval DSQning sobiq raisi B.Parpiyevga aloqador amaldorlar ishdan olingani, shuningdek, tizimda ishlayotgan 1245 nafar xodim vazifasidan ozod etilgani haqida xabarlar berilgan edi. Shundan keyin ham tizimda tozalash ishlari yakunlangani yo‘q: qator viloyatlar soliq boshqarmalari boshliqlari o‘rniga yangi kadrlar tayinlanganidan o‘quvchilarning xabari bor.
Yana bir shou-shuvli «ish» — sobiq bosh prokuror R.Qodirov va boshqalarga nisbatan qo‘zg‘atilgan jinoyat ishi ham yakuniga yetgan. «Soliqchilar ishi»dan farqli ravishda, «Qodirov ishi» bo‘yicha muayyan ma’lumotlar yo‘q emas: bunda 24 nafar shaxsga nisbatan ayb e’lon qilinib, ularning 21 nafari dastlabki tergovdayoq ehtiyot chorasi sifatida qamoqqa olingan. Sobiq bosh prokuror va unga yaqin bo‘lgan mansabdorlar mansab vakolatini suiiste’mol qilish, poraxo‘rlik va tovlamachilik jinoyatlarini sodir etganlikda ayblanmoqda.
«Qodirov ishi» qaysi sudda ko‘riladi, sud masjlisi ochiq tarzda o‘tkaziladimi, yopiq shakldami — bu haqda hozircha ma’lumot yo‘q. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Rossiya qo‘shinlari Avdeyevkadagi ikkita qishloqni egallab oldi
Teraktdan keyin Rossiyadagi Tojikiston fuqarolari nafrat va tajovuzga duchor bo‘lmoqda
«Krokus»dagi hujum bo‘yicha sakkizinchi ayblanuvchining ismi oshkor qilindi
Emmanuel Makron: “Ukraina tez orada qulashi mumkin”
Erdo‘g‘on terrorchilar haqida keskin gapirdi
Rossiyalik tergovchilar teraktda ayblanayotganlar oilasini so‘roq qilish uchun Tojikistonga keldi
Rossiyaning harbiy operatsiyadagi manyovri Ukrainani hayratga soldi
Qahva va saraton: olimlardan zo‘r yangilik!