15:07 / 11.01.2019
6 444

Shavkat Mirziyoyev Samarqandda yangi qurilgan uylardagi xonadonlardan birida mehmon bo‘ldi (foto)

Shavkat Mirziyoyev Samarqandda yangi qurilgan uylardagi xonadonlardan birida mehmon bo‘ldi (foto)
O‘zbekiston Prezidenti Shavkat Mirziyoyev Samarqand shahri Qorasuv massivida qurilayotgan zamonaviy aholi massivini borib ko‘rdi, deb xabar berdi Prezident matbuot xizmati.

Samarqand shahri aholisining uy-joyga ehtiyoji yuqoriligini inobatga olib, 2018 yilgi dasturga qo‘shimcha ravishda ko‘p qavatli arzon uylar qurish kiritilgan edi.

2018 yilning o‘zida jami 1 ming 344 xonadondan iborat 32 ta 7 qavatli ko‘p qavatli arzon uy barpo etildi. Bundan tashqari, Mudofaa, Ichki ishlar, Favqulodda vaziyatlar vazirliklari, Milliy gvardiya xizmatchilari va yosh oilalarga mo‘ljallangan 5 qavatli 12 ta turar joy qurib, foydalanishga topshirildi.

Shu bilan birga, hududda xususiy bog‘cha, shahar ichki ishlar bo‘limi, savdo va maishiy xizmat majmuasi, «Registon» supermarketi qurib bitkazildi. 540 o‘rinli umumta’lim maktabi qurilishi yakunlanmoqda.

Shu tariqa bu yerda qisqa fursatda zamonaviy aholi massivi qad rostladi. Yangi uylarda odamlarning hayotdan rozi bo‘lib yashashi uchun barcha qulayliklar e’tiborga olingan.

Davlat rahbari Jasur Tursunqulov va Jamshid Kattaqulovlar oilalari ko‘chib kirgan yangi xonadonlarni kirib ko‘rdi, uy sohiblari bilan suhbatlashdi.

Shu yerda Qorasuv massivida 2019 yilda foydalanishga topshiriladigan uylar loyihalari, jumladan, «Agromir buildings» kompaniyasi tomonidan Turkiyaning zamonaviy texnologiyasi asosida monolit usulida barpo etilayotgan ko‘p qavatli turar joylar taqdimotlari o‘tkazildi.

Prezident turar-joylar qurilishining odamlar hayotidagi, hudud infratuzilmasidagi ahamiyatiga to‘xtaldi.

«Samarqand turizm markazi bo‘lishi kerak. Shuning uchun bu yerda ko‘p qavatli uylar qurilishini ko‘paytiramiz. Shahar markazida eng zamonaviy talablarga javob beradigan uylar qurilib, aholini ta’minlaymiz. Uylarni qurishdan oldin uning egasi, qaysi qavatda, necha xonali uyda yashashigacha aniq bo‘lishi lozim», – dedi davlat rahbari.

Samarqand seysmik jihatdan ham qulay hududda joylashgani bois kelajakda viloyatning Kattaqo‘rg‘on, Urgut, Paxtachi, Narpay, Qo‘shrabot tumanlari markazlarida ham ko‘p qavatli uylar qurilishi zarurligi ta’kidlandi.


arenda kvartira tashkent


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Jamiyat » Shavkat Mirziyoyev Samarqandda yangi qurilgan uylardagi xonadonlardan birida mehmon bo‘ldi (foto)