13 yildan beri toʻlanmay kelingan qariyib 38 millionlik aliment pullari undirib berildi

  • 13 yanvar 2019, 14:28
  • 935
  • Jamiyat
  • 13 yildan beri toʻlanmay kelingan qariyib 38 millionlik aliment pullari undirib berildi
    Majburiy ijro byurosi Kitob tuman boʻlimi tomonidan sud hujjatlari va boshqa organlar hujjatlarini ijro etish sohasida qilinayotgan amaliy saʼy harakatlar natijasida bugun fuqarolarning murojaatlari ijobiy hal qilinishiga erishilmoqda.

    Jumladan, Jinoyat ishlari boʻyicha Chiroqchi tuman sudining qarzdor Oʻ.Elmirzayevdan undiruvchi G.Toshpoʻlatova foydasiga 1 nafar voyaga yetmagan farzandi uchun aliment pullarini undirish toʻgʻrisidagi qarori chiqqan.

    “Masʼliyatli ota” 2002 yildan 2015 yilgacha aliment pullarini toʻlashdan boʻyin tovlab kelganligi oqibatida Oʻzbekiston Respublikasi Jinoyat Kodeksi 122-moddasining 1-qismi bilan sudlandi hamda shundan soʻng undiruvchiga jami 37 886 991 soʻmlik aliment pullari undirib berildi.

    » » 13 yildan beri toʻlanmay kelingan qariyib 38 millionlik aliment pullari undirib berildi