Xalq qabulxonalariga yangi vazifalar yuklandi

  • 20 yanvar 2019, 10:00
  • 2 168
  • Jamiyat
  • Xalq qabulxonalariga yangi vazifalar yuklandi
    Avval xabar berganimizdek, 19 yanvar kuni Prezident Administratsiyasi rahbari Zaynilobiddin Nizomiddinov va bosh vazir Abdulla Aripov raisligida videoselektor yigʻilishi boʻlib oʻtdi.

    Videoselektorda Xalq qabulxonalari faoliyatini yanada takomillashtirish boʻyicha bir qator vazifalar belgilab berildi, deya xabar beradi Kun.uz nashri.

    Bundan buyon, Xalq qabulxonalari sektorlar, davlat organlari va boshqa tashkilotlarning davlat xizmatlari koʻrsatish, uyma-uy yurish, muammolarni aniqlash va hal qilish faoliyatini tuman, shahar, viloyat darajasida doimiy ravishda muvofiqlashtirib boradi.

    “Obod qishloq”, “Obod mahalla” Dasturlari doirasida qurilish va obodonlashtirish ishlari amalga oshiriladigan aholi punktlari roʻyxati Xalq qabulxonalari bilan kelishilgan holda shakllantirilishi belgilandi. Xalq qabulxonalari muntazam ravishda har bir tuman va shaharlar kesimida oʻrganish jarayonlari va aholi murojaatlaridan kelib chiqib, keyingi yil uchun “Obod qishloq”, “Obod mahalla” Dasturlari olib boriladigan aholi punktlari takliflarini shakllantirib, mahalliy hokimiyat idoralari, sektor rahbarlari bilan ish olib boradi.

    » » Xalq qabulxonalariga yangi vazifalar yuklandi