Toshkent aholisi 2018 yilda qanchaga oʻsgani maʼlum qilindi

  • 20 yanvar 2019, 11:39
  • 1 560
  • Jamiyat
  • Toshkent aholisi 2018 yilda qanchaga oʻsgani maʼlum qilindi
    Toshkent shahrining doimiy aholisi soni 2019 yil 1 yanvar holatiga 2510,8 ming kishini tashkil etib, 2018 yilda 45,9 ming kishiga yoki 1,9%ga oʻsgan. Bu haqda shahar hokimligi matbuot xizmati xabar berdi.

    2018 yilning yanvar-dekabr oylarida 46,3 ming bola tugʻilgan. Mos ravishda tugʻilish koeffitsiyenti 1000 aholiga nisbatan 18,6 promilleni tashkil etdi va 2017 yilga nisbatan 0,9 ga (2017 yilning mos davrida 17,7 promille boʻlgan) oʻsdi.

    Shahar aholisining tabiiy oʻsishi 30,6 ming kishini tashkil etib, 2017 yilning mos davriga nisbatan 3,9 ming kishiga oʻsishi (2017 yilning mos davrida 26,7 ming kishi boʻlgan) kuzatildi.

    Shuningdek, FHDYO organlarida 2018 yilning yanvar-dekabr oylarida 20,3 mingta nikoh qayd etilgan. 1000 aholiga nisbatan nikoh tuzish koeffitsiyenti 8,2 promilleni tashkil qilib, 2017 yilning mos davriga nisbatan 0,4 ga oʻsdi.

    » » Toshkent aholisi 2018 yilda qanchaga oʻsgani maʼlum qilindi