“Xalq bilan yuzma-yuz” loyihasining bu galgi mehmoni Adliya vaziri Ruslanbek Davletov boʻldi. Vazirga berilgan savollar ichida eng koʻpi pensiya borasida boʻldi. Quyida aynan shu mavzuga oid savol javoblarni eʼtiboringizga havola etamiz.
Savol: Oila aʼzolarimdan birining yoshi 50 da, ayol kishi. Uning umumiy staji 33 yil. 1 yil qishloqdagi sil kasalliklariga qarshi kurash boʻlimida, 16 yil nogironlar uyida, 6 yil bolalar uyida ishlagan.
Vazirlar Mahkamasining tegishli qaroriga asosan tasdiqlangan roʻyxatda shu sohada ishlagan ayollar 5 yil oldin pensiyaga chiqishi mumkinligi koʻrsatilgan. Lekin pensiya jamgʻarmasi bunga rad javobini berdi. Shu holatda imtiyozli pensiyaga chiqish mumkinmi?
Javohir JOʻRAMIRZAYEV.
Javob: Imtiyozli shartlarda pensiya olish huquqini beradigan ishlab chiqarishlar, muassasalar, ishlar, kasblar, lavozimlar va koʻrsatkichlar roʻyxatlarini qoʻllash tartibi toʻgʻrisidagi yoʻriqnoma (roʻyxat raqami 2337, 2012 yil 12 mart) mavjud.
Unga koʻra, nogironligi bor bolalar uchun ixtisoslashtirilgan taʼlim berish muassasalari, Mehribonlik uylarida 25 yil ishlagan vrachlar, oʻqituvchilar imtiyozli shartlarda (5 yil oldin) yoshga doir pensiyaga chiqish huquqidan foydalanadi. Albatta, qanday lavozimda ishlagani ham muhim. Bu holatni alohida oʻrganib koʻrish lozim.
Savol: Ayollar 20 yillik mehnat stajiga ega boʻlsa, pensiya yoshiga yetishidan qatʼi nazar, pensiyaga chiqadi, deb eshitgan edim. Lekin onam tuman pensiya idorasiga borib soʻrasalar, bunaqa narsa yoʻq, debdi. Savolim shuki, 20 yil stajga ega ayollar pensiyaga chiqa oladimi?
Bahodir ALMATOV.
Javob: Qonunchilikka muvofiq, yoshga doir pensiya olish huquqiga ayollar — 55 yoshga toʻlganda va ish stajlari kamida 20 yil boʻlgan taqdirda ega boʻladilar. Yaʼni pensiyaga chiqish uchun ham yosh, ham ish staji toʻgʻri kelishi kerak.
Shuningdek, yosh toʻgʻri kelib, ish staji yetarli boʻlmagan hollarda bor ish stajiga mutanosib ravishda pensiya tayinlanishi mumkin. Umuman, ish staji mavjud boʻlmagan shaxslarga esa belgilangan tartibda ijtimoiy nafaqalar tayinlanadi. Savolga keladigan boʻlsak, hali pensiya yoshiga yetmagan shaxs ish staji qancha boʻlishidan qatʼi nazar, pensiyaga chiqish huquqiga ega emas. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ramzan Qodirovning 19 yoshli qizi medal bilan taqdirlandi
AQSHning Suriyadagi harbiy bazasiga raketalar hujum qildi
Damas uchun onlayn kontraktatsiya ochiladi
O‘zbekistonda o‘tgan uch oyda qancha avtomobil ishlab chiqarilgan?
Amerikalik olimlar barcha uchun birdek foydali jismoniy faollik turini aniqladi
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
Futzal. Osiyo Kubogi. Tojikiston Yaponiyani guruhda qoldirdi
Vladimir Putin «Krokus»da sodir etilgan terakt uchun o‘ch olishga chaqirdi