Markaziy bank «Poytaxt bank» kuzatuv kengashi a’zolari Toshkent hokimligi xodimlaridan tashkil topganligi uchun uni qaytadan ko‘rib chiqishni talab qilgan. Bu haqda Kun.uz muxbiri bilan suhbatda Markaziy bank raisining birinchi o‘rinbosari Timur Ishmetov ma’lum qildi.
U O‘zbekistonda davlat boshqaruv organlari muassislik qilish huquqiga ega bo‘lmasa-da hokimlik bank muassisi ekanligini qonuniy deb atadi.
«Ha, qonunga ko‘ra davlat boshqaruv organlari qonunchilikda belgilangandan tashqari hollarda bank muassisi bo‘la olmaydi. Davlat organi bank muassisi bo‘lishga qaror qilsa – qaror bo‘lishi kerak. U o‘zi mustaqil tarzda bunday qila olmaydi. «Poytaxt bank» borasida 2017 yilda prezident qarori chiqarilgan. O‘shanda qaror oddiy sabab bilan bajarilmagan – mablag‘ bo‘lmagan», – dedi Ishmetov.
«Qonunchilik nuqtai nazaridan bu yerda qonun buzilishi mavjud emas», – ta’kidladi u.
Hokimlik xodimlarining kuzatuv kengashi tarkibida bo‘lishlari qonunchilikka zid bo‘lib, Markaziy bank uning tarkibini qayta ko‘rib chiqishni talab qilgan.
«Biz litsenziya berganimizda kuzatuv kengashi tarkibini to‘liq qayta ko‘rib chiqishni tavsiya qilganmiz. Biz kengash tarkibining yarmidan ortiq a’zolari bankda ishlaydigan malakali shaxslar bo‘lishi va davlat xizmatchisi bo‘lmasligi talabini qo‘ydik», – dedi Ishmetov.
Uning so‘zlariga ko‘ra, hokimlik mazkur talabni bajarish uchun qabul qilgan. Ushbu holatni to‘g‘rilash uchun bankka uch oy muddat berilgan.
«Menga ma’lum bo‘lishicha, ular shu kunlarda kengashning yangi tarkibini taqdim etishmoqchi. Agarda bu bizni qanoatlantirmasa, uni o‘zgartirishni talab qilamiz, ammo o‘ylaymanki, ular barchasini to‘g‘rilashadi. Bank boshqaruvi bo‘yicha esa savollarimiz yo‘q», – deb qo‘shib qo‘ydi u.
O‘zbekiston Markaziy banki boshqaruvi 2018 yil 29 dekabrda “Poytaxt bank” aksiyadorlik jamiyatiga bank operatsiyalarini amalga oshirish huquqini beruvchi litsenziya berish to‘g‘risida qaror qabul qilgandi.
Bankning ustav kapitali 100 mlrd so‘m miqdorida belgilangan bo‘lib, 100 foiz Toshkent shahar hokimligi tomonidan shakllantirilgan.
«Poytaxt bank» Toshkentda ko‘p qavatli uylarni qurish va ta’mirlash bilan shug‘ullanuvchi ixtisoslashgan pudratchi tashkilotlarga kreditlar ajratish va lizing xizmatlarini ko‘rsatish, muhandislik infratuzilmalari sifatini yaxshilashni ko‘zda tutuvchi loyihalarni ishlab chiqish va amalga oshirishni moliyalashtirib, investitsion faoliyat olib boradi. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Erdo‘g‘on: «Isroil Gitlerdan ham o‘tib ketdi»
«Real Madrid» ustozi Karlo Anchelotti kechagi g‘alabadan so‘ng nimalar dedi?
O‘zbekistonda zilzilaga tayyorgarlik kuchaytiriladi
Nega Tramp Zelenskiyni yomon ko‘radi?
Xotirani yaxshilashning juda oddiy usuli topildi
Zelenskiy: Rossiya Ukrainaning issiqlik energetikasini deyarli to‘liq yakson qildi
Qozog‘istonlik milliarderlar suv toshqinidan zarar ko‘rgan hududlarga mablag‘ ajratdi
Sirdaryoda budjetga juda ko‘p miqdorda zarar yetkazgan mayning ferma aniqlandi
