2018 yilda qancha oʻzbekistonlik chet elga borgani maʼlum boʻldi

  • 02 mart 2019, 08:25
  • 1 872
  • Jamiyat
  • 2018 yilda qancha oʻzbekistonlik chet elga borgani maʼlum boʻldi
    2018 yilda 14 millionga yaqin Oʻzbekiston fuqarosi chet elga borgan. Bu haqda Senatning Mudofaa va xavfsizlik masalalari qoʻmitasi raisi Farrux Dadaxoʻjayev maʼlum qildi.

    “Chet davlatlarga chiqayotgan fuqarolarimiz soni yildan-yilga keskin oshib bormoqda. Xususan, 2016 yilda 5 million 310 ming nafar, 2017 yilda 6 million 823 ming nafar va 2018 yilda 13 million 838 ming fuqaro xorijga chiqqan”, — deydi u.

    Dadaxoʻjayevning taʼkidlashicha, ularning aksariyati, Qozogʻiston, Rossiya, Turkiya, Janubiy Koreya, Xitoy va boshqa davlatlarga borishgan.

    Maʼlumot uchun, Oʻzbekiston Respublikasi Prezidentining 2017 yil 16 avgustdagi farmonida 2021 yilning 1 yanvariga qadar Oʻzbekiston fuqarolariga kirish vizalarini rasmiylashtirish talab etilmaydigan davlatlarga 2011 yilgi namunadagi biometrik pasport bilan chiqish mumkinligi belgilangan.

    Shuningdek, muddati oʻtmagan xorijga chiqish ruxsatini beruvchi stiker yopishtirilgan 2011 yilgi namunadagi biometrik pasport egalari ham 2021 yilga qadar chet elga chiqishi mumkin.

    » » 2018 yilda qancha oʻzbekistonlik chet elga borgani maʼlum boʻldi