Shavkat Mirziyoyev: “Vazni ortiqcha xodim qanday qilib jinoyatchini tutadi?”

  • 02 mart 2019, 15:33
  • 3 833
  • Jamiyat
  • Shavkat Mirziyoyev: “Vazni ortiqcha xodim qanday qilib jinoyatchini tutadi?”
    Mudofaa va ichki ishlar tizimidagi ortiqcha vaznga ega xodimlarga buni oʻnglash uchun muddat beriladi. Bu haqda Shavkat Mirziyoyev Namanganda boʻlib oʻtgan faollar yigʻilishida maʼlum qildi, deya xabar beradi “Daryo” nashri.

    —Bizga ortiqcha vaznga ega zobit, ichki ishlar xodimi kerak emas. Bu holatda qanday qilib jinoyatchini tutadi? Sport bilan shugʻullansin. Bu menga emas, oʻzlariga foyda. Muddat beramiz: uch oymi, olti oymi, shu vaqt ichida oʻzini oʻnglab, meʼyordagi vaznga tushsin, — dedi davlat rahbari.

    Prezident jismoniy tarbiya va sportga eʼtibor nafaqat ushbu tizimlarda, balki barcha darajada kuchaytirilishi, sogʻlom millatga aylanish, salbiy illatlar, xususan, ichkilikbozlikka qarshi muntazam kurashish lozimligini taʼkidladi.

    Shavkat Mirziyoyev harbiy hizmatchilar hali ham “sovet davridan qolgan” kiyimlarda yurgani, yaqin orada bu borada ham oʻzgarish boʻlishini bildirdi.

    » » Shavkat Mirziyoyev: “Vazni ortiqcha xodim qanday qilib jinoyatchini tutadi?”