“Aktyor” koʻrsatuvi oʻtgan mavsumda koʻrsatuvlarining qoq finalida qovun tushirishgandi. Bu galgi mavsumda esa qovun tushirish uchun finalni ham kutib oʻtirishmadi. Kecha ekran orqali namoyish etilgan koʻrsatuvni koʻrganlar yigit va qizlarni mehmonxonaga joylashtirib, ularga ota-onasi va yaqinlari bilan koʻrishishni maʼn etib qoʻyishganiga xayron boʻlganliklari shubhasiz. Bunisi hali holva ekan.
Qizlar va yigitlarning xonasiga videokamera oʻrnatib qoʻyishgani hammasidan oshib tushdi. Videokamera oʻrnatish… Xos xonalarga-ya? Qizlarning kiyinishi bor, vannaga kirishi bor, uxlashi bor – shularning hammasini bafurja kuzatib turishadimi? Boshlovchi yigit “Qizlarni Asal kuzatib turadi, yigitlarni esa men!” deb oʻzicha vaziyatni izohladi.
Biroq operator koʻrmaydimi, qoʻriqchi, mehmonxona xodimlari koʻrmasligiga ishonchlari komilmikan?! Axir kechaning oʻzida yigitlarning choʻzilib yotgani-yu, qizlarning garderobni ochib, kiyishga kiyim qidirayotgani butun oʻzbek muxlislariga namoyish etildi-yu. Koʻrsatuv ijodkorlari oʻzlarini Rossiyaing TNT kanalida namoyish etiladigan “Dom2” koʻrsatuvidaman deb oʻylashyapti, shekilli.
Jamiyatimiz bu qadar ochiqlikni qabul qila olmaydi. Bu kabi yangiliklar shaxsiyatga dahl qilish demakdir. Homiy mehmonxonani reklama qilaman deb, ishtirokchilarning shaxsiyatini oʻyinchoq qilishi bu salkam qabihlik.
Mutasaddi tashkilotlar bu holga nisbatan chora koʻrishadi, degan umiddamiz. Aks holda…
Manba: Hordiq.uz “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ramzan Qodirovning 19 yoshli qizi medal bilan taqdirlandi
HAMAS yetakchisi: Isroil Rafahga kirsa, Falastin xalqi oq bayroqni ko‘tarmaydi
Sariqmi yoki yashil: qaysi turdagi banan foydaliroq?
Toshkentda 02 kodli avtoraqamlar taxminan qachon paydo bo‘lishi aytildi
Eron prezidenti jiddiy bayonot berdi: «Isroildan hech narsa qolmaydi»
Germaniyada maktab o‘quvchilari ommaviy ravishda islom dinini qabul qilmoqda
Germaniyaning Knauf kompaniyasi Rossiyadan butunlay chiqib ketishini tasdiqladi
Qaysi kundalik odatlar immunitet pasayishiga olib kelishini bilasizmi?