4 684
Shavkat Mirziyoyev: “Menga doʻst boʻlishni istasangiz maktabgacha taʼlimga eʼtibor bering”
Foto: Prezident matbuot xizmati
Namanganning chekka qishlogʻida qurib bitkazilgan bolalar bogʻchasidagi sharoit hatto Toshkentda ham yoʻq. Bu haqda Maktabgacha taʼlim vaziri Agrippina Shin Namanganda Prezident Shavkat Mirziyoyev raisligida boʻlib oʻtgan faollar yigʻilishida maʼlum qildi, deya xabar beradi “Daryo” nashri.
— Sohamizga metsenatlik, yaʼni begʻaraz homiylikning ilk koʻrinishlariga Namanganda guvoh boʻldik. Art Soft Tex Group Yangiqoʻrgʻon tumanining Nanay qishlogʻida qurib bitkazgan 100 oʻrinli bogʻchadagi sharoitlar hatto Toshkentda ham yoʻq. Korxona ushbu muassasani vazirligimizga sovgʻa qildi. Yana Uztex Group ham Uchqoʻrgʻon va Norinda bogʻcha qurib, ixtiyorimizga topshirdi, — dedi vazir.
Hozirda Namanganda bolalarni maktabgacha taʼlim muassasalariga qamrab olish 36 foizni tashkil etadi. Davlat rahbari bu koʻrsatkichni 2 yilda 61 foizga yetkazish, viloyatdagi kollejlar ixtiyorida boʻlgan 26 ta yotoqxonani bogʻchalar uchun ajratishga koʻrsatma berdi.
— Shunday tadbirkorlardan 50 nafar boʻlsa hokimda muammo qolmaydi: yoʻl ham, maktab ham, kasalxona ham, bogʻcha ham boʻladi. Menga doʻst boʻlishni istasangiz maktabgacha taʼlimni rivojlantirishga eʼtibor bering, — dedi davlat rahbari.
Faollar yigʻilishida ishtirok etayotgan tadbirkorlardan biri shu yerning oʻzida shaxsiy mablagʻlari hisobidan bogʻcha qurib berish istagini bildirdi. Prezident unga Namanganda yod yetishmovchiligi muammosi, buqoq kasalliklari keng tarqalganini inobatga olib, endokrinologiya kasalxonasi qurishni tavsiya qildi. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Sariqmi yoki yashil: qaysi turdagi banan foydaliroq?
Germaniyada maktab o‘quvchilari ommaviy ravishda islom dinini qabul qilmoqda
Rossiya dunyodagi birinchi vodorod yoqilg‘ili avtomobilni taqdim etdi
Vladimir Putin «Krokus»da sodir etilgan terakt uchun o‘ch olishga chaqirdi
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
Amerikalik olimlar barcha uchun birdek foydali jismoniy faollik turini aniqladi
Qaysi kundalik odatlar immunitet pasayishiga olib kelishini bilasizmi?
Eron prezidenti jiddiy bayonot berdi: «Isroildan hech narsa qolmaydi»