Toshkentdagi “yolgʻonchi” fotoradarlar soni maʼlum boʻldi

  • 28 mart 2019, 08:56
  • 966
  • Jamiyat
  • Toshkentdagi “yolgʻonchi” fotoradarlar soni maʼlum boʻldi
    27 mart kuni Toshkent shahar IIBB tomonidan oʻtkazilgan brifingda yoʻl harakati xavfsizligini taʼminlash boʻyicha amalga oshirilayotgan ishlar va yangiliklar yuzasidan maʼlumotlar berildi.

    Maʼlum boʻlishicha, 115ta chorrahaga oʻrnatilgan kameralar yordamida 2017 yildan shu paytga qadar jami 604 239ta, 2018 yil 7 avgustdan buyon 6ta statsionar va 4ta mobil fotoradarlar tomonidan 213 220ta qoidabuzalik qayd etilib, huquqbuzarlar aniqlangan.

    Eng qizigʻi, poytaxt boʻylab 38ta statsionar va 5ta “yolgʻonchi” fotoradarlar, yaʼni “mulyaj”lar ham “ishlatilayotgan” xabar qilindi.

    Toshkent shahar IIBB boshligʻi oʻrinbosari, polkovnik Azizxon Umarxonovning maʼlum qilishicha, bu vositalarning hammasini qoʻllashdan yagona maqsad – yoʻl harakati xavfsizligini oshirish koʻzlangan.

    2019 yilning 29 mart holatiga koʻra, poytaxtdagi YTHlar soni 190tani tashkil qilib, oʻtgan yilning shu davriga nisbatan 36,2 foizga kamayishiga erishilgan. Shuningdek, shu paytga qadar hodisalar sababli vafot etganlar soni 15 kishini tashkil qilgan boʻlsa, oʻtgan yilning dastlabki uch oyida bu koʻrsatkich 35 kishiga yetgan.

    » » Toshkentdagi “yolgʻonchi” fotoradarlar soni maʼlum boʻldi