Yashnobod tumanida Epica avtomobili yonib ketdi

  • 02 aprel 2019, 09:30
  • 683
  • Jamiyat
  • Yashnobod tumanida Epica avtomobili yonib ketdi
    2019 yilning 1 aprel kuni soat 09:12da Toshkent shahar IIBB Yongʻin xavfsizligi boshqarmasi Yongʻinni oʻchirish kuch va vositalarini boshqarish va muvofiqlashtirish markaziga Yashnobod tumani Toshkent halqa aylana yoʻli koʻchasi 39-uyda joylashgan AYOQSH qarshisida turgan Epica rusumli avtomobil yonayotganligi haqida xabar kelib tushgan.

    Oʻzbekiston Respublikasi IIV YOXBB OAV bilan hamkorlik qilish boʻlinmasi maʼlumotiga koʻra, xabar asosida 2 ta yongʻin oʻchirish ekipajlari jalb etilgan.

    Boʻlinmalar soat 09:14da voqea joyiga yetib borib, yongʻin soat 09:19da oʻchirilgan. Yongʻin oqibatida avtomobilning motor qismi yonib zararlangan. Tan jarohati olganlar va halok boʻlganlar yoʻq.

    Yongʻin kelib chiqishining taxminiy sababi - avtomobilning motor qismidagi elektr simlarida qisqa tutashuv.

    » » Yashnobod tumanida Epica avtomobili yonib ketdi