Toshkent shahar hokimi maslahatchisi va “Ippadrom” savdo kompleksi AJ rahbari koʻplab jinoyatlarda ayblanmoqda

^{Foto:UzNews.uz}
Chilonzor buyum savdo kompleksi AJ boshqaruv raisi lavozimida ishlab kelgan Dilmurod Mirtadjiyev oʻrniga Oʻktamjon Otaboyev ish boshlagan.

“Bozor ishi” boʻyicha hozircha 23 nafar turli lavozimdagi shaxslar jinoyat ishida Jinoyat kodeksining oʻnlab moddalarida ayblanmoqda.

Sudlanuvchilar orasida Toshkent shahar hokimining sobiq maslahatchisi Rovshan Abdumajitov ham bor. U tovlamachilik, oʻzlashtirish, mansab vakolatini suistteʼmol qilish, firibgarlikda ayblanmoqda.

“UzNews.uz” ning huquqni muhofaza qiluvchi organlarga yaqin manbasiga koʻra, bu jinoyat ishida Rovshan Abdumajitovning oʻgʻli Bekzod ham aybdor sifatida koʻrilmoqda.

Sudya Sarvar Karimov raisligida Toshkent shahar Jinoyat ishlari boʻyicha sudida koʻrilayotgan sud ishida Toshkent sayohat servis sobiq direktori M. Moʻminovga nisbatan ham sud-tergovi oʻtkazilmoqda.

Bu sud ishi davomida Djmalov Sadriddin Azamatovichga esa Qurol, oʻq-dorilar, portlovchi moddalar yoki portlatish qurilmalariga qonunga xilof ravishda egalik qilish yaʼni, Jinoyat kodeksining 248-moddasi tartibida aybdorlik masalasi ham koʻrilmoqda.

Bu jinoyat ishi doirasida “Bek toʻpi” bozorining sobiq rahbari Shukrullo Ergashev ham qamoqqa olingan va u Jinoyat kodeksining 167-moddasi va 205-moddasi bilan ayblanmoqda.

Bu boʻyicha Bosh Prokuraturadan Surayyo Rahmonovaning maʼlum qilishicha, ishning bir qismi hali 21-boshqarmada tergov qilinmoqda. “Zamin” yangiliklarini “Facebook”da kuzatib boring