Toshkent shahri va Toshkent viloyatida doimiy propiska qilishga doir qonun loyihasi tayyorlandi

Ichki ishlar vazirligi “Toshkent shahri va Toshkent viloyatida doimiy propiska qilinishi lozim bo‘lgan shaxslar – O‘zbekiston Respublikasi fuqarolari toifalarining ro‘yxati to‘g‘risida”gi O‘zbekiston Respublikasining Qonuniga o‘zgartish va qo‘shimchalar kiritish to‘g‘risida”gi Qonun loyihasini tayyorladi.

Qonun loyihasi Normativ-huquqiy hujjatlar loyihalari muhokamasi portaliga joylashtirildi.
Mazkur qonun 3 moddadan iborat.

Unga ko‘ra, O‘zbekiston Respublikasining 2011 yil 14 sentyabrda qabul qilingan O‘RQ-296-sonli Qonuni bilan tasdiqlangan Toshkent shahri va Toshkent viloyatida doimiy propiska qilinishi lozim bo‘lgan shaxslar – O‘zbekiston Respublikasi fuqarolari toifalarining ro‘yxati (O‘zbekiston Respublikasi qonun hujjatlari to‘plami, 2011 y., 37-son, 375-modda; 2016 y., 17-son, 173-modda, 39-son, 457-modda) 3-bandi quyidagi tahrirda bayon qilinadi:

“3. Vasiylik va homiylikdagi hamda oilaga tarbiyaga olingan (patronat) shaxslar – vasiy (homiy) va bolalarni tarbiyalash uchun oilaga qabul qilayotgan (patronat) shaxslar doimiy propiska qilingan uy-joy maydoniga.”.

Qonun qabul qilingan kundan e’tiboran kuchga kiradi.

Qonunga muvofiq, O‘zbekiston Respublikasi Vazirlar Mahkamasi hukumat qarorlarini ushbu Qonunga muvofiqlashtirishi, davlat boshqaruvi organlari ushbu Qonunga zid bo‘lgan o‘z normativ-huquqiy hujjatlarini qayta ko‘rib chiqishlari va bekor qilishlarini zarur.

Ushbu Qonunning ijrosini, ijrochilarga yetkazilishini hamda mohiyati va ahamiyati aholi o‘rtasida tushuntirilishini ta’minlash Vazirlar Mahkamasiga yuklatilmoqda.

Manba: Sputnik “Zamin” yangiliklarini “Youtube”da kuzatib boring