Noqonuniy tarzda lochin ovlamoqchi bo‘lgan Saudiya Arabistoni fuqarosi aeroportda ushlandi

  • 09 aprel 2019, 10:06
  • 697
  • Jamiyat
  • Noqonuniy tarzda lochin ovlamoqchi bo‘lgan Saudiya Arabistoni fuqarosi aeroportda ushlandi
    Foto: «Podrobno.uz»
    Noqonuniy ravishda lochin ovlamoqchi bo‘lgan Saudiya Arabistoni fuqarosi Toshkent aeroportida qo‘lga olindi deb xabar qilmoqda Rodrobno.uz nashri.

    Xabarda aytilishicha Ekologiya va atrof-muhitni muhofaza qilish davlat qo‘mitasi bojxona xizmati bilan birgalikda 4 aprel kuni BAAning Dubay shahridan uchib kelgan Saudiya Arabistoni fuqarosi yo‘qolib borayotgan yovvoyi fauna va flora turlari bo‘yicha xalqaro savdo-sotiq faoliyati tartibini buzgan holda, 2 ta lochinni olib kirishiga to‘sqinlik qilgan.

    Yirtqich qushlarni ovlash uchun chet el fuqarosi o‘zi bilan tuzoq ham olib kelgan. Balki, uning mazkur qushlarni O‘zbekistonga olib kelishdan maqsadi – lochin ovini tashkillashtirish bo‘lgan.

    Hozirgi vaqtda qushlar vaqtincha musodara qilinib, maxsus ixtisoslashtirilgan qarovxonada saqlashga topshirilgan.
    Shuningdek, chet el fuqarosini qonun bilan belgilangan tartibda javobgarlikka tortish masalasi ham ko‘rib chiqilmoqda.

    » » Noqonuniy tarzda lochin ovlamoqchi bo‘lgan Saudiya Arabistoni fuqarosi aeroportda ushlandi