Buxoroda yuk mashinasi va poyezd toʻqnashuvida turk fuqarosi halok boʻlgan (video)

  • 09 aprel 2019, 23:30
  • 1 015
  • Jamiyat
  • Buxoroda yuk mashinasi va poyezd toʻqnashuvida turk fuqarosi halok boʻlgan (video)
    2019 yil 8 aprel kunidan 9 aprel kuniga oʻtar kechasi soat 01:15larda Buxoro viloyati Qorakoʻl tumani, “Solur” MFY hududidan oʻtuvchi “Samarqand-Buxoro-Turkmanboshi” yoʻnalishidagi Xalqaro M-37 avtomabil yoʻlida YTH yuz bergan.

    Bosh prokuratura matbuot xizmatining Kun.uzʻga xabar berishicha, Qandim GPZ temir yoʻlining 2 km.da yoʻlni kesib oʻtayotgan Turkiya Respublikasi fuqarosi Z.K. oʻzining boshqaruvida boʻlgan “Mersedes-bens” rusumli tirkamali yuk avtomashinasi bilan yoʻlini kesib oʻtayotgan TЕM2-5808-raqamli teplovozning yoqilgʻi bakiga urib, yoʻl-transport hodisasi sodir etgan.

    Natijada, Turkiya Respublikasi fuqarosi Z.K. ogʻir tan jarohatlari olib hodisa joyida vafot etgan.
    Mazkur holat yuzasidan Qorakoʻl tuman IIB tomonidan JKning 266-moddasi 2-qismi bilan jinoyat ishi qoʻzgʻatilib, tergov harakatlari olib borilmoqda.

    Qayd etilishicha, tergov harakatlari viloyat prokuraturasi tomonidan nazoratga olingan.
    Ayrim xabarlarga koʻra, Turkiyaning TAFA shirkatiga qarashli “Mersedes-Bens” yuk mashinasi Oʻzbekistonning Buxoro shahriga kafel olib kelayotgan boʻlgan.

    » » Buxoroda yuk mashinasi va poyezd toʻqnashuvida turk fuqarosi halok boʻlgan (video)