MIB Xatirchi tuman bo‘limi noqonuniy tilla tegirmon faoliyatiga chek qo‘ydi

  • 14 may 2019, 10:14
  • 1 648
  • Jamiyat
  • MIB Xatirchi tuman bo‘limi noqonuniy tilla tegirmon faoliyatiga chek qo‘ydi
    Majburiy ijro byurosining Xatirchi tuman bo‘limi iste’molchilar tomonidan energiya va suv resurslari tarmoqlariga noqonuniy ulanish, talon-toroj holatlarni aniqlash, bartaraf etish va oldini olish borasida olib borilgan tezkor tadbirlar natijasida, 179 ta (elektr energiyasi bo‘yicha 119 ta, tabiiy gaz bo‘yicha 36 ta va ichimlik suvi bo‘yicha 24 ta) qonun buzilishi holatlari aniqlandi.

    Ular bo‘yicha ta’minotchi korxonalar manfaatlariga yetkazilgan jami 216 mln. 459 ming so‘m zararning 136 mln. 997 ming so‘mi undirilishiga erishildi.

    Xususan, bo‘lim xodimlari tomonidan o‘tkazilgan tezkor tadbirda, tumanning «Tinchlik» mahallasida yashovchi fuqaro Eshbayev Utkirjon Xojiyevich yashash xonadoni qo‘shimcha xo‘jalik binosida qonunga xilof ravishda ko‘z bilan ko‘rib aniqlanmaydigan yashirin ravishda elektr simlarni umumiy foydalanishdagi elektr energiyasi tarmog‘iga 1 dona 7,5 kVtli va 1 dona 15 kVtli elektr dvigatellar hamda 1 dona yoritgichni noqonuniy ulab, tilla tosh tegirmon tashkil qilib, tuman elektr tarmoqlari korxonasi manfaatlariga 21.040.500 (yigirma bir million 40 ming besh yuz) so‘m zarar yetkazganligi aniqlandi.

    Ushbu tadbir yakunida noqonuniy ravishda foydalanib kelingan 1 dona 7,5 kVtli va 1 dona 15 kVtli elektr dvigatellar, 1 dona tegirmon, 1 dona tegirmon qozoni, 1 dona tegirmon qopqog‘i, 1 dona drabelka, 1 dona tegirmon pichog‘i, 2 dona elektr avtomat hamda 20 metrli elektr kabellar ashyoviy dalil sifatida olingan.

    Mazkur holat yuzasidan olib borilgan tergovga qadar tekshiruv harakatlari davomida U.Eshbayev tekshirish davomida aniqlangan zararni holat aniqlangan kundan boshlab 30 kun ichida to‘laligicha va ixtiyoriy ravishda to‘lab berganligi, qilgan ishidan pushaymon bo‘lganligi sababli jinoyat ishi qo‘zg‘atish rad etildi.

    Facebook орқали авторизация
    Ma'lumot

    Посетители, находящиеся в группе Гости, не могут оставлять комментарии к данной публикации.
    » » MIB Xatirchi tuman bo‘limi noqonuniy tilla tegirmon faoliyatiga chek qo‘ydi