08:47 / 26.05.2019
3 532

Yunus Emrodan yana bir ilohiyot nolasi

Yunus Emrodan yana bir ilohiyot nolasi
Shul jannatning irmoqlari

Shul jannatning sof suvlari
Oqar “Alloh” deya-deya.
Chiqar Islom bulbullari
Sayrar “Alloh” deya-deya.

Tavba qiladi dillari,
Qur’on o‘qir ham tillari,
Jannat bog‘ining gullari
Gullar “Alloh” deya-deya.

Kimi yeydi, kimi ichar,
Malaklari rahmat sochar.
Idris nabiy hulla bichar,
Tikar “Alloh” deya-deya.

Oltindandir teraklari,
Kumushdandir yaproqlari.
Shovullaydi butoqlari,
O‘sar “Alloh” deya-deya.

Oydan yorug‘dir yuzlari,
Mushki anbardir so‘zlari,
Jannatning huri, qizlari
Kezar “Alloh” deya-deya.

Haqqa oshiq bo‘lgan kishi
Oqar ko‘zlarining yoshi.
Nurga to‘la ichu tashi,
So‘ylar “Alloh” deya-deya.

Ne tilarsan – Haqdan tila,
Hidoyat-la kir bu yo‘lga.
Bulbul oshiq bo‘lar gulga,
O‘tar “Alloh” deya-deya.

Ochildi ko‘k davozasi,
Rahmatga to‘liq hammasi.
Jannatning sakkiz eshigin
Ochar “Alloh” deya-deya.

Ridvon erur eshik ochgan,
Idris erur xulla bichgan.
Kavsar sharobini ichgan
Qonar “Alloh” deya-deya.

Miskin Yunus, bor do‘stingga,
Qo‘yma bugunni ertaga.
Erta Haqning huzuriga
Borgung “Alloh” deya-deya...

Karim BAHRIYeV tarjimasi
Manba: Azon.uz

arenda kvartira tashkent


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Jamiyat » Yunus Emrodan yana bir ilohiyot nolasi