53 mln. so‘m 2030 yilgacha bo‘lgan aliment pullarini to‘lashga yetarli bo‘ldi

Fuqarolik ishlari bo‘yicha Shayxontohur tumanlararo sudiniig 07.08.2013 yildagi qaroriga asosan, qarzdor B.B.dan 1 nafar voyaga yetmagan farzandi uchun ¼ qism miqdorida aliment undirish to‘g‘risidagi ijro hujjati Byuroning Sergeli tuman bo‘limi ish yurituviga 19.08.2018 yilda kelib tushgan bo‘lib, shu kunning o‘zida “Sud hujjatlari va boshqa organlar hujjatlarini ijro etish to‘g‘risida”gi Qonunning 23-moddasiga asosan ijro ishi yuritishni qo‘zg‘atish to‘g‘risida qaror qabul qilingan.

Qarzdor ota uning O‘zbekiston hududidan xorijga chiqishiga cheklov qo‘yilganligini yaxshi biladi. Xoxlagan taqdirida ham xorijga chiqib keta olmasligini ham biladi. Byuroning Sergeli tuman bo‘limi davlat ijrochisining huquqiy tushuntirishidan so‘ng qarzdor ota B.B. to‘g‘ri xulosa chiqarib, 1 nafar voyaga yetmagan farzandining 18 yoshgacha bo‘lgan, ya’ni 2030 yilgacha 135 oy to‘lanishi lozim bo‘lgan 52.922.700 so‘m aliment pullarini oldindan to‘lab berdi. Bu bilan mazkur aliment ijro hujjatining ijrosi to‘liq ta’minlandi. “Zamin” yangiliklarini “Vkontakti”da kuzatib boring