Adliya vazirligi Gulnora Karimova saqlanayotgan koloniyada o‘rganish o‘tkazmoqda

  • 04 iyul 2019, 10:41
  • 1 258
  • Jamiyat
  • Adliya vazirligi Gulnora Karimova saqlanayotgan koloniyada o‘rganish o‘tkazmoqda
    Adliya vazirligi Toshkent viloyati Zangiota tumanidagi umumiy tartibli 21-son ayollar koloniyasida o‘rganish o‘tkazmoqda. Bu haqda vazirlikning Jamoatchilik bilan aloqalar bo‘limi xabar berdi.

    “So‘nggi paytlarda turli Internet axborot resurslari va ijtimoiy tarmoqlar orqali bugungi kunda sudning hukmiga asosan tegishli jazoni o‘tayotgan mahkuma G.I.Karimovaning jazoni o‘tash muassasasidagi shart-sharoitlar xususida bildirilayotgan turli xabarlar yuzasidan Adliya vazirligi tomonidan mahkuma saqlanayotgan Toshkent viloyati Zangiota tumanidagi umumiy tartibli 21-son ayollar koloniyasida o‘rganish o‘tkazilmoqda”, - deyiladi vazirlik xabarida.

    Shuningdek, Adliya vazirligi ommaviy axborot vositalari va ijtimoiy tarmoqlar foydalanuvchilarini mazkur masala yuzasidan turli xil asossiz xabarlar tarqatmaslikka chaqirgan.

    “Adliya vazirligi o‘rganishlar natijasi yuzasidan qo‘shimcha axborot taqdim qiladi”, - deyiladi ma’lumotda.

    Bundan oldin, Imon Karimova Shveysariyaga Gulnora Karimova pullarini O‘zbekistonga qaytarishga nima to‘sqinlik qilayotganini aytgandi.

    » » Adliya vazirligi Gulnora Karimova saqlanayotgan koloniyada o‘rganish o‘tkazmoqda