Bugungi kunda yoshlarning oliy ta’limga ega bo‘lish uchun keng imkoniyatlar yaratilmoqda, mamlakatimizning turli hududlarida yangi milliy oliy ta’lim muassasalari bilan bir qatorda rivojlangan xorijiy davlatlarning oliy ta’lim muassasalari (filiallari) tashkil etilmoqda, deb xabar beradi Adliya vazirligi Jamoatchilik bilan aloqalar bo‘limi.
Mazkur sohada joriy yilning 14 may kuni prezidentning “Oliy ta’lim muassasalariga test sinovlari orqali qabul qilish tizimini takomillashtirish bo‘yicha qo‘shimcha chora-tadbirlar to‘g‘risida”gi qarori qabul qilindi.
Qarorga muvofiq, 2019/2020 o‘quv yilidan boshlab abituriyentlar tomonidan oliy ta’lim muassasalarining bakalavriatga o‘qishga kirish uchun davlat xizmatlari markazlari yoki O‘zbekiston Respublikasi Yagona interaktiv davlat xizmatlari portali orqali murojaat qilish mexanizmi joriy etildi.
Shu yilning 7 iyun kuni esa hukumat tomonidan Oliy ta’lim muassasalariga o‘qishga kirish uchun hujjatlarni qabul qilish bo‘yicha davlat xizmatlarini ko‘rsatishning ma’muriy reglamenti tasdiqlandi.
Abituriyent bo‘lgan farzandlaringiz yangi usulda oliy ta’lim muassasalarining bakalavriatiga o‘qishga kirish uchun hujjatlarni 15 iyundan 15 iyulgacha (shu kuni ham) topshirishi mumkin, deyiladi xabarda.
Vazirlik bir necha kundan so‘ng oliy ta’lim muassasalariga hujjat qabul qilish to‘xtatilishi haqida eslatgan.
“Ehtiyot bo‘ling! Haq evaziga noqonuniy yo‘llar bilan farzandingizni o‘qishga kirishi uchun kimlar bilandir “gaplashib berish”, yoki “boshqacha yo‘lini topib berish” kabi ayrim nopok insonlarning quruq va’dalari qurboniga aylanmang.
Bolaning sog‘lom fikrini buzmang, jamiyatning rivojlanishiga salbiy ta’sir ko‘rsatmang, pora berib jinoyatchi bo‘lib qolishdan saqlaning.
Abituriyentni noqonuniy yo‘llar bilan o‘qishga kiritish yoki shunga harakat qilish jinoiy javobgarlik keltirib chiqaradi.
Jinoyat kodeksida “pora berish”, “pora olish”, “pora olish va berishda vositachilik qilish” va “firibgarlik” harakatlari uchun jinoiy javobgarlik belgilangan”, - deyilgan ma’lumotda.
Bildirilishicha, bunday jinoyatlar uchun 81 mln. so‘mdan 121,6 mln. so‘mgacha miqdorda jarima yoki 2 yildan 5 yilgacha ozodlikni cheklash yoxud 5 yildan 15 yilgacha ozodlikdan mahrum qilish jazosi qo‘llaniladi.
“Agarda Sizdan pora so‘rab tovlamachilik qilinayotgan bo‘lsa huquqni muhofaza qiluvchi organlarga murojaat qiling.
Agar, shaxsga nisbatan pora so‘rab tovlamachilik qilingan bo‘lsa va ushbu shaxs jinoiy harakatlar sodir etilganidan keyin bu haqda 30 sutka mobaynida o‘z ixtiyori bilan arz qilsa, chin ko‘ngildan pushaymon bo‘lib, jinoyatni ochishda faol yordam bergan bo‘lsa, u javobgarlikdan ozod etiladi.
Hurmatli ota-onalar!
O‘z taqdiringiz va farzandingizni taqdiriga befarq bo‘lmang. O‘zingiz va uning hayotini zulmatga aylantirmang.
Jinoyatga qarshi kurashish har birimizning fuqarolik burchimiz hisoblanadi. Adliya vazirligi korrupsiyaga qarshi kurashda barchani faollikka chaqiradi”, - deyiladi vazirlik xabarida. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Germaniyada maktab o‘quvchilari ommaviy ravishda islom dinini qabul qilmoqda
Qaysi kundalik odatlar immunitet pasayishiga olib kelishini bilasizmi?
Vladimir Putin «Krokus»da sodir etilgan terakt uchun o‘ch olishga chaqirdi
Toshkentda 02 kodli avtoraqamlar taxminan qachon paydo bo‘lishi aytildi
Amerikalik olimlar barcha uchun birdek foydali jismoniy faollik turini aniqladi
Rossiya dunyodagi birinchi vodorod yoqilg‘ili avtomobilni taqdim etdi
Eron prezidenti jiddiy bayonot berdi: «Isroildan hech narsa qolmaydi»
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
