Jismoniy shaxsning murojaatiga qanday talablar qo‘yiladi?

  • 18 iyul 2019, 10:09
  • 664
  • Jamiyat
  • Jismoniy shaxsning murojaatiga qanday talablar qo‘yiladi?
    O‘zbekistonda jismoniy shaxsning murojaatiga bir qator talablar qo‘yiladi. Bu haqda Harbiy prokuraturaning telegram kanalida xabar berilgan.

    Xususan, jismoniy shaxsning murojaati:

    - jismoniy shaxsning familiyasi (ismi, otasining ismi), uning yashash joyi to‘g‘risidagi ma’lumotlar ko‘rsatilgan bo‘lishi kerak;
    - davlat organining, tashkilotning aniq nomi, murojaat yuborilayotgan mansabdor shaxsning lavozimi va (yoki) familiyasi (ismi, otasining ismi) ko‘rsatilgan, shuningdek murojaatning mohiyati bayon etilgan bo‘lishi kerak;
    - murojaat etuvchilarning elektron pochta manzili, aloqa telefonlari va fakslari raqamlari ko‘rsatilishi mumkin;
    - davlat tilida va boshqa tillarda berilishi mumkin;
    - murojaat etuvchi jismoniy shaxsning imzosi yoki murojaat etuvchi yuridik shaxs vakolatli shaxsining imzosi bilan tasdiqlangan bo‘lishi lozim.

    Jismoniy shaxsning yozma murojaatini murojaat etuvchining imzosi bilan tasdiqlash imkoni bo‘lmagan taqdirda, bu murojaat uni yozib bergan shaxsning imzosi bilan tasdiqlanib, uning familiyasi (ismi, otasining ismi) ham qo‘shimcha ravishda yozib qo‘yilishi kerak.

    Murojaat etuvchilarning vakillari orqali berilgan murojaatlarga ularning vakolatlarini tasdiqlovchi hujjatlar ilova qilinadi.

    » » Jismoniy shaxsning murojaatiga qanday talablar qo‘yiladi?