Mingbuloqlik 2 nafar ota sud zalidan ozod qilindi

Fuqarolik ishlari bo‘yicha Namangan tumanlararo sudining 2014 yil 3 apreldagi ijro hujjatiga asosan qarzdor R.Yigitaliyevdan undiruvchi D.Shomatovaning foydasiga 1 nafar farzandining moddiy ta’minoti uchun 1/4 qism miqdorida aliment undirish belgilangan.

Qarzdor R.Yigitaliyevning joriy yilning 1 iyun holatiga alimentdan bo‘lgan qarzi 7 267 035 so‘mni tashkil etgan. Ushbu qarzdorligini o‘z vaqtida to‘lamaganligi sababli, unga nisbatan to‘plangan hujjatlar O‘zbekiston Respublikasi MJtKning 47-4-moddasi 1-qismiga asosan javobgarlik masalasini hal qilishlik uchun Mingbuloq tuman Ma’muriy sudigi yuborildi.

Qarzdor R.Yigitaliyev bilan olib borilgan tushuntirishlar bois, qarzdorligini to‘liq bartaraf etdi va sud zalidan ozod qilindi.
Xuddi shunday, Fuqarolik ishlari bo‘yicha Namangan tumanlararo sudining qaroriga ko‘ra B.Iskandarov undiruvchi P.Iskandarova foydasiga 1 nafar farzandining moddiy ta’minoti uchun 1/4 qism miqdorida aliment undirish ko‘rsatib o‘tilgan.

Fuqaro ham alimentdan bo‘lgan qarzini vaqtida amalga oshirmagani uchun qardorlik 3 284 233 so‘mni tashkil etadi. Unga nisbatan to‘plagan hujjatlar Mingbuloq tuman Ma’muriy sudiga yuborildi va xatosini to‘g‘ri tushungan B.Iskandarov qarzdorlikni sud jarayoni davomida to‘lab berdi. U ham ma’muriy qamoq jazosidan qutilib qoldi. “Zamin” yangiliklarini “Twitter”da kuzatib boring