17:30 / 02.08.2019
3 239

Toshkent IIBB jinoyatga moyil ayollar ro‘yxati uchun xalqdan uzr so‘radi

Toshkent IIBB jinoyatga moyil ayollar ro‘yxati uchun xalqdan uzr so‘radi
Toshkent IIBB internetda ommaga e’lon qilingan jinoyatga moyil bo‘lgan, xavfli toifadagi ayollar ro‘yxati bo‘yicha o‘z rasmiy bayonotini e’lon qildi.
Eslatib o‘tamiz, ushbu ro‘yxat internet foydalanuvchilari orasida katta shov-shuv ko‘targan edi.

Muassasa xabariga ko‘ra, ro‘yxat xato talqin qilingan. Buning sababi esa, hozirda chindan xatarli toifaga kiruvchi xotin-qizlar va ijtimoiy muhofaza hamda huquqiy yordamga muhtoj ayollarning bitta ro‘yxatga tushib qolganligida.

Ular bitta ro‘yxatda jamlanmasligi kerak edi, fuqarolarimizning e’tirozlari tushunarli, deb ta’kidlagan IIBB matbuot-xizmati.
"Yo‘l qo‘yilgan xatolik va buning oqibatida vujudga kelgan anglashilmovchilik uchun uzr so‘raymiz", - deyiladi bayonotda.

Ilgariroq, Toshkent hokimligi xotin-qizlar qo‘mitasi raisi ushbu ro‘yxat tufayli Bosh vazir o‘rinbosari Elmira Basitxanovaga o‘z uzrini keltirgan edi.

arenda kvartira tashkent


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Jamiyat » Toshkent IIBB jinoyatga moyil ayollar ro‘yxati uchun xalqdan uzr so‘radi