13:00 / 11.08.2019
3 318

Direktorlari 100 foiz qo‘shimcha ustama haq oladigan «Xalqaro matematika maktabi» tashkil etiladi

Direktorlari 100 foiz qo‘shimcha ustama haq oladigan «Xalqaro matematika maktabi» tashkil etiladi
Buxoro viloyati Qorako‘l tumanida “Xalqaro matematika maktabi”ni tashkil etish to‘g‘risidagi Hukumat qarori qabul qilindi. Bu haqda Adliya vazirligining Huquqiy axborot kanali xabar bermoqda.

Qarorga muvofiq, Qorako‘l tumanidagi 1-son ixtisoslashtirilgan davlat umumta’lim maktab-internatiga “xalqaro matematika maktabi” maqomi berildi.

Zamonaviy axborot texnologiyalaridan foydalangan holda aniq va tabiiy fanlar, shuningdek, chet tillarini chuqur o‘qitish, o‘quvchilarning ijodiy salohiyatini namoyon qilish hamda ularni respublika va xalqaro fan olimpiadalariga qatnashishga tayyorlash xalqaro maktabning asosiy vazifalaridan biri etib belgilandi.

2019-2020 o‘quv yilidan boshlab maktabning 7-sinfiga 90 nafar o‘quvchi qabul qilinadi.

Xalqaro maktabda matematika faniga qiziquvchi xorijiy mamlakatlar fuqarolari ham shartnoma asosida ta’lim olishlari mumkin.

Shuningdek, o‘quvchilarga yanada chuqurroq bilim berish maqsadida xalqaro maktabga xorijiy mamlakatlardan ham o‘qituvchilarni ishga qabul qilishga ruxsat etildi.

2019-2020 o‘quv yilidan boshlab xalqaro maktab direktori, o‘rinbosarlari va o‘qituvchilariga byudjet mablag‘lari hisobidan 100 foiz qo‘shimcha ustama haq to‘lanadi.

Hujjat haqidagi to‘liq ma’lumot bilan www.lex.uz sayti orqali tanishish mumkin.

Dasturlash foundation


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Jamiyat » Direktorlari 100 foiz qo‘shimcha ustama haq oladigan «Xalqaro matematika maktabi» tashkil etiladi