BMT goʻsht isteʼmolini kamaytirishga chaqirmoqda (video)

  • 11 avgust 2019, 16:47
  • 1 265
  • Jamiyat
  • BMT goʻsht isteʼmolini kamaytirishga chaqirmoqda (video)
    BMT insoniyatga goʻsht isteʼmolini kamaytirishga buning oʻrniga esa meva-sabzavot isteʼmol qilishni koʻpaytirishga chaqirmoqda. Bu iqlim oʻzgarishi jarayonlarining oldini olishga yordam beradi.

    Bordi-yu, insoniyat kamroq goʻsht isteʼmol qilishni boshlasa, kimyoviy moddalar bilan yerga kamroq ishlov bersa hamda oʻrmonlarni himoya qilgan taqdirdagina, sayyoramizda havo haroratining global isishiga qarshi tura olishi va shu bilan birga yil sayin ortib borayotgan aholini oziq-ovqat bilan taʼminlash muammosini hal etishi mumkin.

    Mutaxassislarning fikriga koʻra, ayni damda insoniyat chorvachilik bilan shugʻullanish uchun judda katta maydonlardan foydalanmoqda. Bu vaziyatda esa asosiy ustunlikni qishloq xoʻjaligiga qaratish oqilona fikr boʻlardi.

    Zero bu orqali koʻproq insonlarning qornini toʻydirish mumkin. BMT ning taʼkidlashicha, oʻrmonlarni asrash insoniyat uchun yana bir ustivor vazifadir. Daraxtlarning kesilishi va yerlarning yaylovlarga aylantirilishi, shuningdek palma yogʻi ishlab chiqarish iqlim oʻzgarishi jarayonlariga katta taʼsir koʻrsatmoqda.

    Mazkur jarayonlarda atmosferaga chiqarilayotgan zararli gazlar miqdori esa 15-20 % toʻgʻri kelyapti. BMT ekspertlarining fikricha, sayyoramizda iqlim oʻzgarishi jarayonlarni toʻxtatishga mamlakatlar, yirik kompaniyalar, shuningdek har bir inson oʻz hissasini qoʻshishi mumkin.

    » » BMT goʻsht isteʼmolini kamaytirishga chaqirmoqda (video)