Saudiya Arabistonida ayollar huquqlari yanada kengaytirildi

  • 21 avgust 2019, 11:10
  • 878
  • Jamiyat
  • Saudiya Arabistonida ayollar huquqlari yanada kengaytirildi
    20-avgustda Saudiya Arabistonida ayollar va erkaklar huquqlarini tenglashtiruvchi qonunchilikka tuzatmalar kiritildi. Bu haqda Kun.uz sayti maʼlum qildi.

    Endilikda ayollarga erkak qarindoshlarining ruxsatisiz sayohat qilish va oilaviy ishlarda muhimroq rol oʻynashlariga ijozat beriladi.
    Ayni vaqtgacha podshohlikda barcha yoshdagi ayollar va 21 yoshga yetmagan erkaklarga xorijga chiqish uchun vasiy ruxsati talab etilardi.
    Yangi tuzatmalarga koʻra, ayollarga ham ular uchun javob beruvchi erkaklarning roziligisiz xorijiy pasport olish huquqi berildi.

    Shuningdek, saudiyalik ayollarga tugʻilgan farzandlarini mustaqil qayd qilish, oʻlimni rasman qayd qilish hamda nikoh tuzish yoki uni bekor qilishga ariza berish huquqlari berildi.

    Podshohlikda hokimiyat tepasiga 2015-yilda Salmon bin Abdulaziz Ol Saud kelgach hamda 2017-yilda uning oʻgʻli Muhammad bin Salmon valiahd shahzoda etib tayinlangach bunday erkinliklar berila boshlangan.

    Jumladan, 2018-yilda saudiyalik ayollarga avtomobil haydashga ruxsat berilgandi.

    Facebook орқали авторизация
    Ma'lumot

    Посетители, находящиеся в группе Гости, не могут оставлять комментарии к данной публикации.
    » » Saudiya Arabistonida ayollar huquqlari yanada kengaytirildi