2 158
Mirziyoyev foydalanilmayotgan salohiyat, obro‘yi tushib ketgan «ma’naviyat» tushunchasi va XTV mavqesi haqida gapirdi
O‘zbekiston Respublikasi Prezidenti Shavkat Mirziyoyev raisligida 23 avgust kuni ta’lim tizimiga bag‘ishlangan videoselektor yig‘ilishi bo‘lib o‘tdi.
«Biz keyingi paytda, ming afsuski, «ma’naviyat» tushunchasining obro‘yini tushirib yubordik. Ma’naviyatga go‘yoki keraksiz narsadek munosabatda bo‘ldik. Bugun ko‘pchilik yoshlar ongini iste’molchilik kayfiyati, Vatan, el-yurt taqdiriga beparvolik, «ommaviy madaniyat» ko‘rinishlari egallab olmoqda. O‘zingiz ayting, o‘z xalqining tarixini, ma’naviy va diniy qadriyatlarini hurmat qilmaydigan, ularni himoya qilishga qodir bo‘lmagan odam vatanparvar va elparvar bo‘lishi mumkinmi?
Buyuk ajdodlarimiz o‘zlarining ilmiy va ijodiy kashfiyotlari bilan dunyoga ustozlik qilishgan. Boshqalarga ergashmagan, balki boshqalarni o‘z ortidan ergashtirgan. Biz ham ergashuvchi emas, ergashtiruvchi kuchga ega xalq bo‘lishimiz shart. Aks holda, taraqqiyot yo‘lidan chekkaga chiqib, yana tanazzul botqog‘iga botamiz. Ota-bobolarimiz erishgan marralarni osongina boy berib qo‘yamiz. Bu ajdodlar ruhiga, kelajak avlodlarimizga xiyonat emasmi? Bu sohada bugun shoshilinch choralar ko‘rmasak, ertaga kech bo‘ladi.
Joylarda maktablarning qurilishi, o‘quv yiliga tayyorgarlik uchun hokimlar va sektor rahbarlari shaxsan mas’ul. Lekin, ularning ba’zilari bu masalaga yetarli e’tibor qaratmayapti. Shu sababli, Xalq ta’limi vaziri va tizim boshqaruv xodimlari bunday tashkiliy ishlar bilan ovora bo‘lib qolmoqda. Holbuki, Xalq ta’limi vazirligi ijtimoiy hayotimizdagi, hukumatdagi nufuzi va ta’siriga ko‘ra Moliya vazirligi bilan barobar bir mavqeda turishi kerak.
Vazirlik va uning bo‘linmalari ta’lim-tarbiyaning mazmuni, o‘quv dasturlari, uning sifati va o‘quv qo‘llanmalari bilan ta’minlash masalalariga jiddiy e’tibor qaratishi zarur. Misol uchun, bugungi kunda respublikamiz bo‘yicha 400 nomdagi 32 million nusxa darslik va o‘quv-metodik qo‘llanmalar nashr qilingan. Bu rejadagi ko‘rsatkichning faqatgina 87,5 foizini tashkil etadi. Bu masalalar bilan bevosita shug‘ullanishi lozim bo‘lgan Respublika ta’lim markazi, Abdulla Avloniy nomidagi rahbar xodimlar malakasini oshirish instituti, viloyatlarda o‘qituvchilar malakasini oshirish institutlari bor. Nizomiy nomidagi butun bir universitet, hududlarda 6ta pedagogika institutlari mavjud.
Lekin bu tuzilmalar o‘quv-tarbiya jarayonini takomillashtirish, o‘qituvchilarning bilim va malakasini oshirish, darsliklar saviyasini yaxshilash uchun qanday amaliy ishlarni qilmoqda? Bunday salohiyatdan nima uchun unumli foydalanilmayapti? Xalq ta’limi vaziri Sh.Shermatov, oliy ta’lim vaziri I.Majidov, innovatsion rivojlanish vaziri I.Abdurahmonov bunga nima deydi?» - deya o‘zining tanqidiy fikrlarini bayon etdi davlatimiz rahbari. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
HAMAS yetakchisi: Isroil Rafahga kirsa, Falastin xalqi oq bayroqni ko‘tarmaydi
Sariqmi yoki yashil: qaysi turdagi banan foydaliroq?
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
Germaniyada maktab o‘quvchilari ommaviy ravishda islom dinini qabul qilmoqda
Toshkentda 02 kodli avtoraqamlar taxminan qachon paydo bo‘lishi aytildi
Rossiya dunyodagi birinchi vodorod yoqilg‘ili avtomobilni taqdim etdi
Qaysi kundalik odatlar immunitet pasayishiga olib kelishini bilasizmi?
Eron prezidenti jiddiy bayonot berdi: «Isroildan hech narsa qolmaydi»