Andijon shahri hokimi ishdan olinadi

  • 25 avgust 2019, 13:45
  • 1 725
  • Jamiyat
  • Andijon shahri hokimi ishdan olinadi
    Andijon shahri hokimi Dilmurod Rahmatullayev ishdan olinadi.
    Kun.uz nashri xabar berishicha, 26 avgust kuni Andijon viloyati hokimi Shuhrat Abdurahmonov ishtirokida o‘tkaziladigan yig‘ilishda Rahmatullayev lavozimidan ozod etilgani ma’lum qilinadi va shaharning yangi hokimi tanishtiriladi.

    Dilmurod Rahmatullayev 2016 yildan buyon Andijon shahriga hokimlik qilib kelayotgandi.

    U 2017 yilning kuzida Andijon shahridagi qator ta’lim muassasalarining rahbarlarini nojo‘ya so‘zlar bilan haqorat qilgani tasvirlangan audioyozuvlar tarqalib ketganidan keyin internetda mashhur bo‘lgandi.

    Dilmurod Rahmatullayev 2018 yilning aprelida bosh vazir ishtirokida o‘tkazilgan videoselektorda shahar ko‘chalarini obodonlashtirish uchun, byudjet tashkiloti xodimlari, jumladan, maktabgacha ta’lim muassasalari xodimlarini tadbirkorlardan gul va daraxt ko‘chatlarini ancha qimmat narxga sotib olishga majburlagani uchun hayfsan olgan, bosh vazir u oxirgi marta ogohlantirilayotganini ma’lum qilgandi.

    Facebook орқали авторизация
    Ma'lumot

    Посетители, находящиеся в группе Гости, не могут оставлять комментарии к данной публикации.
    » » Andijon shahri hokimi ishdan olinadi