Foto: Adliya vazirligi matbuot xizmati
O‘zbekiston Respublikasi prezidenti «Ba’zi davlat organlarining faoliyati takomillashtirilishi munosabati bilan O‘zbekiston Respublikasining ayrim qonun hujjatlariga o‘zgartish va qo‘shimchalar kiritish to‘g‘risida»gi qonunni imzoladi.
O‘zbekiston Respublikasining 1996 yil 27 dekabrda qabul qilingan «Advokatura to‘g‘risida»gi 349-1-sonli Qonuniga quyidagi qo‘shimcha va o‘zgartishlar kiritildi:
3-1-modda (Advokat maqomiga ega bo‘lish) quyidagi mazmundagi o‘ninchi qism bilan to‘ldirildi: «Advokatlik guvohnomasining shakli va uni berish tartibi O‘zbekiston Respublikasi Vazirlar Mahkamasi tomonidan belgilanadi»;
17-modda (Advokatura va O‘zbekiston Respublikasi Adliya vazirligi) birinchi qismining (O‘zbekiston Respublikasi Adliya vazirligi o‘z vakolatlari doirasida): oltinchi xatboshisi chiqarib tashlandi (advokatlik guvohnomasining shaklini va uni berish tartibini tasdiqlaydi);
yettinchi xatboshisi (order shaklini tasdiqlaydi) oltinchi xatboshi deb hisoblanadi.
O‘zbekiston Respublikasining 1999 yil 14 aprelda qabul qilingan «Nodavlat notijorat tashkilotlari to‘g‘risida»gi 763-1-sonli Qonuni 8-moddasining (Nodavlat notijorat tashkilotining majburiyatlari) uchinchi qismi (Nodavlat notijorat tashkilotlarining tadbirlar o‘tkazishni, shuningdek chet davlatlardan, xalqaro va chet el tashkilotlaridan, chet davlatlarning fuqarolaridan yoki ularning topshirig‘iga binoan boshqa shaxslardan pul mablag‘lari va mol-mulk olishni ro‘yxatdan o‘tkazuvchi organ bilan kelishib olishi tartibi O‘zbekiston Respublikasi Adliya vazirligi tomonidan belgilanadi) quyidagi tahrirda bayon etildi:
«Nodavlat notijorat tashkilotlarining o‘tkazilishi rejalashtirilayotgan tadbirlari haqida xabardor qilish tartibi O‘zbekiston Respublikasi Adliya vazirligi tomonidan, chet davlatlardan, xalqaro va chet el tashkilotlaridan, chet davlatlarning fuqarolaridan yoki ularning topshirig‘iga binoan boshqa shaxslardan pul mablag‘lari va mol-mulk olishni ro‘yxatdan o‘tkazuvchi organ bilan kelishib olish tartibi O‘zbekiston Respublikasi Vazirlar Mahkamasi tomonidan belgilanadi». “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ramzan Qodirovning 19 yoshli qizi medal bilan taqdirlandi
Germaniyaning Knauf kompaniyasi Rossiyadan butunlay chiqib ketishini tasdiqladi
Toshkentda 02 kodli avtoraqamlar taxminan qachon paydo bo‘lishi aytildi
Germaniyada maktab o‘quvchilari ommaviy ravishda islom dinini qabul qilmoqda
Qaysi kundalik odatlar immunitet pasayishiga olib kelishini bilasizmi?
HAMAS yetakchisi: Isroil Rafahga kirsa, Falastin xalqi oq bayroqni ko‘tarmaydi
Eron prezidenti jiddiy bayonot berdi: «Isroildan hech narsa qolmaydi»
Sariqmi yoki yashil: qaysi turdagi banan foydaliroq?
