Bosh prokuraturaning firibgarlikda ayblangani sabab ochlik e’lon qilgan buxorolik tadbirkor ishiga munosabati

  • 19 sentyabr 2019, 16:07
  • 1 047
  • Jamiyat
  • Bosh prokuraturaning firibgarlikda ayblangani sabab ochlik e’lon qilgan buxorolik tadbirkor ishiga munosabati
    Foto: «Daryo»
    Facebook’dagi «Xalq fikri» guruhida Buxoro viloyatida tadbirkorlik bilan shug‘ullanuvchi R. Xodjayev O‘zbekiston Respublikasi Jinoyat Kodeksining 168-moddasiga (Firibgarlik) muvofiq sudlanayotgani va aybsiz ekanligini bildirib ochlik e’lon qilgani haqidagi post va video joylashtirilgan edi. O‘zbekiston Bosh prokuraturasi ushbu vaziyatga munosabat bildirdi.

    R.Xodjayev fuqaro M.B.ga uy-joy qurish uchun «I.Fozilov» MChJ hududidan yer uchastkasi ajratib berish evaziga undan firibgarlik yo‘li bilan 17 500 AQSh dollari olib, uchastka ajratmasdan hamda pul mablag‘larini qaytarib bermasdan kelayotganligi holati yuzasidan Buxoro viloyati prokuraturasi tomonidan joriy yilning iyul oyida «I.Fozilov» MChJ ta’sischisi R.Xodjayev va jamiyat rahbari M.Gulyamovalarga nisbatan Jinoyat kodeksining 168-moddasi bilan jinoyat ishi qo‘zg‘atilgan.

    Mazkur jinoyat ishi bo‘yicha o‘tkazilgan dastlabki tergov harakatlari davomida R.Xodjayev M.Gulyamova bilan jinoiy til biriktirib, jamiyat hududidagi noturar bino inshootlarni buzishdan hosil bo‘lgan bo‘sh yer maydonlarini faqatgina sanoat ishlab chiqarish korxonalari qurib faoliyat olib boriladigan noturar joy toifasiga mansubligi hamda tegishli qonunchilik hujjatlari talablariga ko‘ra, yer davlat mulki ekanligi, uni tasarruf etish mumkin emasligi haqidagi ma’lumotlarni yashirish orqali yakka tartibda uy-joy qurish uchun yer uchastkalariga muhtoj bo‘lgan bir necha fuqarolarga 2015—2016 yillar davomida hujjatlarni qalbakilashtirgan holda firibgarlik yo‘li bilan 88 000 AQSh dollariga sotganligi aniqlangan.

    Yuqoridagi holatlarga asosan tergovga jalb qilingan R.Xodjayev bir necha marotaba viloyat prokuraturasiga tergov harakatlarini amalga oshirish uchun chaqirilishiga qaramasdan, u asossiz ravishda tergovdan bo‘yin tovlab, yashirinib kelgan.

    Shu sababli R.Xodjayev viloyat prokuraturasiga majburiy tartibda keltirilib, sud ajrimiga asosan ehtiyot chorasi sifatida qamoqqa olingan.
    Mazkur holat yuzasidan tergov harakatlari davom etmoqda.

    Facebook орқали авторизация
    Ma'lumot

    Посетители, находящиеся в группе Гости, не могут оставлять комментарии к данной публикации.
    » » Bosh prokuraturaning firibgarlikda ayblangani sabab ochlik e’lon qilgan buxorolik tadbirkor ishiga munosabati