22:38 / 20.09.2019
3 412

Iqbol Mirzo: «O‘tgan yili shu taklifga qarsakbozlik qilganlar dabdabali to‘ylarning boshida turganini ko‘rdik»

Iqbol Mirzo: «O‘tgan yili shu taklifga qarsakbozlik qilganlar dabdabali to‘ylarning boshida turganini ko‘rdik»
To‘y-hashamlarni ixchamlashtirish borasida avvalo mansabdorlar boshqalarga o‘rnak ko‘rsatishi lozim. Bir necha kun oldin Oliy Majlis Senati raisi Tanzila Norboyeva tomonidan yangragan ushbu fikrni bugun ayni masala bilan shug‘ullanuvchi respublika komissiyasining raisi Iqbol Mirzo ham bildirib o‘tdi.

«Qaror ijrosini, eng avvalo, o‘zimizdan boshlashimiz kerak. Biz ham to‘ylar arafasida turibmiz. Hamma qarab turibdi: o‘zlari nima qilarkin? Atrofimizdagi tanishlar, qarindoshlarga to‘ylarni ixcham o‘tkazish bo‘yicha ma’lumot bersak, yaxshi bo‘lardi.

O‘tgan yili bu harakatni qo‘llab-quvvatlab, qarsakbozlik qilganlar dabadabali to‘ylarni boshida turganligini ko‘rdik», – dedi Iqbol Mirzo to‘y-hashamlarni tartibga solish uchun yangi tashkil etilgan komissiyaning ilk yig‘ilishida.

Yig‘ilishda bildirilgan takliflarga ko‘ra, mahalladagi obro‘-e’tiborli insonlarning to‘yini namuna qilib o‘tkazish kerak. Agar bir necha odamlarning to‘yi ixcham va kamtarona tarzda o‘tsa, ko‘zlangan natijaga erishish mumkin.

Ta’kidlanishicha, qarorga birinchi bo‘lib rahbar va amaldorlar rioya qilishi zarur. O‘shanda odamlar ularga ergashadi.

Anjumanda komissiya a’zolari tomonidan «To‘ylar, oilaviy tantanalar, ma’raka va marosimlar o‘tkazilishini tartibga solish tizimini yanada takomillashtirish to‘g‘risida»gi qo‘shma qaror mazmun-mohiyatini qanday qilib xalqqa tushuntirish, targ‘ibotini amalga oshirish va mavzu atrofida aylanayotgan savollar yuzasidan shu va boshqa qator mulohazalar bildirildi.

Dasturlash foundation


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Jamiyat » Iqbol Mirzo: «O‘tgan yili shu taklifga qarsakbozlik qilganlar dabdabali to‘ylarning boshida turganini ko‘rdik»