O‘zbekistonda turizm tadbirkorligi bo‘yicha qanday yengilliklar berilmoqda?

  • 24 sentyabr 2019, 13:14
  • 372
  • Jamiyat
  • O‘zbekistonda turizm tadbirkorligi bo‘yicha qanday yengilliklar berilmoqda?
    Axborot va ommaviy kommunikatsiyalar agentligida Turizmni rivojlantirish davlat qo‘mitasi mas’ul xodimlari ishtirokida matbuot anjumani bo‘lib o‘tdi. Unda Prezident qaror va farmonlariga asosan turizmga yo‘naltirilgan tadbirkorlik harakatlarini rag‘batlantirishni maqsad qiluvchi imtiyozlar haqida ma’lumot berildi.

    Turizmni rivojlantirish davlat qo‘mitasi raisi vazifasini bajaruvchi Abdulaziz Oqqulov bergan ma’lumotlarga ko‘ra, turistik harakatlarni amalga oshirish bilan bog‘liq quyidagi imtiyozlar amaliyotga tatbiq qilinadi:

    - Turoperatorlar va aviakompaniyalarning O‘zbekistonga charter reyslarni amalga oshirishga yo‘naltirilgan xarajatlarining bir qismi, har bir yo‘lovchi uchun 20-50 AQSh dollari miqdorida davlat byudjeti va jamg‘arma hisobidan qoplanadi.

    - Tadbirkorlik sub’ektlarining turizm sohasidagi innovatsion loyihalari grantlar asosida 100 mln so‘mgacha moliyalashtiriladi.

    - Mahalliy turoperatorlarning nufuzli xalqaro ko‘rgazma va yarmarkalarda ishtirok etishi bilan bog‘liq xarajatlari Turizmni rivojlantirish jamg‘armasi hisobidan qoplanadi.

    - Xorijiy kinokompaniyalarning O‘zbekistonda amalga oshiriluvchi kinoloyihalari bo‘yicha xarajatlari 300 ming AQSh dollarigacha davlat byudjeti hisobidan qoplanadi.

    - Tadbirkorlarning tematik ovqatlanish punktlarni tashkil etishga yo‘naltirilgan xarajatlari 10 mln so‘mgacha qoplanadi.

    Facebook орқали авторизация
    Ma'lumot

    Посетители, находящиеся в группе Гости, не могут оставлять комментарии к данной публикации.
    » » O‘zbekistonda turizm tadbirkorligi bo‘yicha qanday yengilliklar berilmoqda?