Vatanga xiyonatda ayblanib hibsga olingan olim sud zalidan ozod etildi

  • 27 sentyabr 2019, 07:04
  • 1 083
  • Jamiyat
  • Vatanga xiyonatda ayblanib hibsga olingan olim sud zalidan ozod etildi
    Foto: Facebook/Andrey Kubatin
    26 sentyabr, payshanba kuni o‘zbekistonlik iste’dodli yosh olim, turkologiya mutaxassisi, 2017 yili davlatga xiyonatda ayblanib hibsga olingan Andrey Kubatinning ishi Toshkent viloyati sudida ko‘rib chiqildi. Kubatin to‘liq oqlandi va sud zalidan ozod etildi. Ushbu ma’lumotni Andrey Kubatinning o‘zi va rafiqasi tasdiqladi.

    2017 yili Kubatinga nisbatan 5 yilga ozodlikdan mahrum qilish jazosi tayinlangandi. Kubatin Turkiya fuqarosiga davlat siri aks etgan hujjatlarni berib yuborishda ayblangan, ammo bu ayblov sudda o‘z isbotini topmadi. Shunga qaramay, yosh olimga jazo belgilanishi faollarning hamda dunyo ilmiy hamjamiyatining keskin noroziligiga sabab bo‘lgan edi.

    O‘zbekistonlik va xorijlik olimlar, huquqshunoslar, Kubatinning yaqinlari va hamkasblari tomonidan aytilgan ko‘plab e’tirozlar, turli instansiyalarga yo‘llangan murojaatlardan so‘ng ish qayta ko‘rib chiqildi. Natijada Andrey Kubatin aybsiz ekanligi e’tirof etildi va u sud zalidan ozod qilindi.

    Facebook орқали авторизация
    Ma'lumot

    Посетители, находящиеся в группе Гости, не могут оставлять комментарии к данной публикации.
    » » Vatanga xiyonatda ayblanib hibsga olingan olim sud zalidan ozod etildi