Buxoroda faoliyatini toʻxtatgan 6 000 dan ortiq tadbirkorlik subyektlari oʻz bizneslarini qayta boshladi

Buxoro viloyatida tadbirkorlik faoliyatini qoʻllab-quvvatlash ularni qiynab kelayotgan masalalarni hal etish maqsadida tizimli ishlar olib borilmoqda.
Xususan, viloyatda haftaning dushanba, seshanba va chorshanba kunlari tadbirkorlar bilan ishlash kunlari deb belgilanib, shu kunlari joylarda tadbirkorlar bilan uchrashuvlar tashkil etilmoqda.

Eʼtiborli tomoni amalga oshirilayotgan chora-tadbirlar natijasida joriy yilning oʻtgan davrida faoliyatini toʻxtagan 6 000 dan ortiq tadbirkorlik subyektlariga yaqindan yordam berilishi natijasida ularning faoliyati qayta tiklandi.
Jumladan, 332 ta yuridik shaxs, 5 710 ta yakka tartibdagi tadbirkor oʻz biznesini boshladi.

Maʼlumot oʻrnida aytish mumkin 2019-yil 1-sentyabr holatida viloyatda tadbirkorlik subyektlarining soni 52 900 dan ortdi.
Jumladan ularning 22 846 tasi yuridik shaxs, 30 060 tasi esa yakka tartibdagi tadbirkorlardir.
“Zamin” yangiliklarini “Telegram”da kuzatib boring