Bugun, 9 oktyabr kuni, Iqtisodiyot va sanoat vazirligi binosida Jahon Banki, Osiyo infratuzilmaviy investitsiyalar banki va vazirlik vakillari ishtirokida «Infratuzilmani rivojlantirish loyihalarini amalga oshirishdagi yangicha yondashuvlar» mavzusida konferensiya o‘tkazildi.
Anjumanda moliyaviy instuitutlar tomonidan ajratiladigan mablag‘ evaziga qishloq hududlari infratuzilmasini yaxshilash va aholi yashash sharoitlarini yaxshilashga qaratilgan loyihalar taqdimoti bo‘lib o‘tdi. Ushbu loyihalar «Obod qishloq» dasturi doirasida 2020 yildan boshlab Jahon banki va mahalliy hukumat mablag‘lari asosida respublikaning yashash sharoiti og‘ir qishloqlariga tatbiq qilinadi. Vazirlik qoshida tashkil etilgan «Obod qishloq» loyihasi guruhi direktori Jamshid Fayozov loyiha qay tartibda amalga oshirilishi va unga sarflanadigan xarajatlar bo‘yicha axborot berdi.
«Loyiha respublikasning 400dan ortiq qishloqlarini qamrab olgan. Bu hududlar Farg‘ona, Namangan, Andijon, Sirdaryo va Jizzax viloyatlarida joylashgan. Sizlarga Kogon, Chortoq va Yangiyo‘l shaharlari infratuzilmasini yaxshilashga qaratilgan loyiha haqida ma’lumot taqdim etamiz. Nima uchun aynan bu shaharlar tanlangan? Chunki ularning har biri o‘ziga xos imkoniyatlarga ega. Masalan, Chortoq shahri shifobaxsh mineral suvi bilan mashhur.
Bu yerda maxsus eko yo‘lak qurmoqchimiz. Ushbu yo‘lak bo‘ylab sanatoriya tashkil qilinadi, salkam 60 kilometrli suv ta’minoti tizimi yaxshilanadi, 10 kilometr uzunlikdagi velosiped va piyodalar yo‘lakchasi, shuningdek, ko‘prik quriladi. Buxoroning Kogon shahrida esa tarixiy obidalar tiklanadi, Buxoro-Kogon avtobus yo‘nalishi ta’mirlanadi. Yangiyo‘l shahrida suv ta’minoti yaxshilanishi ko‘zda tutilmoqda», deya uning so‘zlarini keltiradi Kun.uz nashri.
Fayozovning qo‘shimcha qilishicha, ushbu loyihaga qariyb 125 mln AQSh dollari ajratilishi ko‘zda tutilgan bo‘lib, uning 100 million dollari xalqaro moliya institutlari va xorijiy hukumat moliya tashkilotlari tomonidan yo‘naltiriladi. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Erdo‘g‘on: «Isroil Gitlerdan ham o‘tib ketdi»
«Real Madrid» ustozi Karlo Anchelotti kechagi g‘alabadan so‘ng nimalar dedi?
O‘zbekistonda zilzilaga tayyorgarlik kuchaytiriladi
Biznes imkoniyatingizni kengaytiring
Qondagi shakar miqdorini tartibga soluvchi foydali meva nomi aytildi
Xotirani yaxshilashning juda oddiy usuli topildi
Qozog‘istonlik milliarderlar suv toshqinidan zarar ko‘rgan hududlarga mablag‘ ajratdi
Zelenskiy: Rossiya Ukrainaning issiqlik energetikasini deyarli to‘liq yakson qildi
