Qidiruvdagi “ta’til” uzoqqa cho‘zilmadi

  • 10 oktyabr 2019, 17:36
  • 1 084
  • Jamiyat
  • Qidiruvdagi “ta’til” uzoqqa cho‘zilmadi
    Majburiy ijro byurosi Qo‘qon shahar bo‘limi ish yurituvidagi fuqarolik ishlari bo‘yicha Qo‘qon tumanlararo sudining 20.04.2017 yildagi qaroriga asosan qo‘zg‘atilgan ijro ishi bo‘yicha qarzdor Burxon Shokirov uch nafar voyaga yetmagan farzandlari uchun undiruvchi M.Shokirovaga 20 oy davomida 7 mln. 480 ming so‘m aliment pullarini to‘lamasdan kelgan.

    Alimentdan qarzdorlikni undirish maqsadida davlat ijrochisi qarzdor ro‘yxatga qo‘yilgan Qo‘qon shahar, Rudakiy ko‘chasi, 17a-uyga bir necha marotaba borib ham topa olmagan va keyinchalik qarzdordan qasddan yashash manzilini o‘zgartirib olganligini aniqlagan.
    Bu yoqda, B.Shokirovning uch nafar voyaga yetmagan farzandlari moddiy himoyaga muhtoj.

    Davlat ijrochisi tomonidan 20.08.2019 yilda qarzdor B.Shokirovga nisbatan qidiruv elon qilinib, qaror ijrosi Qo‘qon shaxar IIB va Byuroning Qo‘qon shahar bo‘limi qidiruv bo‘yicha tezkor xodimlariga topshirilgan.

    O‘tkazilgan tadbirlar natijasida qarzdor B.Shokirov 2019 yil 9 sentyabr kuni yangi ko‘chib borgan xonadonidan ushlanib, Qo‘qon tuman ma’muriy sudiga keltirildi va sud unga O‘zbekiston Respublikasi MJtKning 47-4-moddasiga asosan 15 sutka ma’muriy qamoq jazosi tayinlashni lozim deb topdi.

    Qarzdor ota B.Shokirov qonunga itoatsizlikda ifodalangan harakatlari uchun o‘ziga tayinlangan ma’muriy jazodan to‘g‘ri xulosa chiqarib olmagan taqdirda uni kelgusida jinoiy javobgarlik “quchoq ochib” kutib oladi.

    Facebook орқали авторизация
    Ma'lumot

    Посетители, находящиеся в группе Гости, не могут оставлять комментарии к данной публикации.
    » » Qidiruvdagi “ta’til” uzoqqa cho‘zilmadi