O‘zbekistonlik talaba Seulda o‘tkazilgan «Quiz on Korea» tanlovi mutlaq g‘olibi bo‘ldi

  • 13 oktyabr 2019, 10:00
  • 673
  • Jamiyat
  • O‘zbekistonlik talaba Seulda o‘tkazilgan «Quiz on Korea» tanlovi mutlaq g‘olibi bo‘ldi
    O‘zbekiston davlat jahon tillari universiteti talabasi Hamida Qahramonova Janubiy Koreyaning Seul shahrida o‘tkazilgan «Quiz on Korea» tanlovida g‘oliblikni qo‘lga kiritdi. Bu haqda Oliy va o‘rta maxsus ta’lim vazirligi matbuot xizmati xabar berdi.

    Mazkur nufuzli xalqaro tanlovda Germaniya, Angliya, Portugaliya, Rossiya va Turkiya kabi 20 ta davlatdan 30 yoshgacha bo‘lgan yoshlar ishtirok etib, ular Koreya madaniyati va tarixi bo‘yicha savollar asosida sinovdan o‘tkazildi.

    O‘zDJTU talabasi tanlovda muvaffaqiyatli ishtirok etib, finalda mutlaq g‘oliblikni qo‘lga kiritdi va 10 millon von (deyarli 10 ming dollar) pul mukofoti bilan taqdirlandi.

    Ma’lumot uchun, Hamida Qahramonova O‘zDJTUning filologiya fakultetida koreys tili yo‘nalishi bo‘yicha 3-bosqichda tahsil oladi. U joriy yilda KOICA tashkiloti tomonidan o‘tkazilgan koreys madaniyati mutaxassislari dasturida ham birinchi o‘rinni olib, Janubiy Koreyaga 80 kunlik ta’lim grantini qo‘lga kiritgan.

    Facebook орқали авторизация
    Ma'lumot

    Посетители, находящиеся в группе Гости, не могут оставлять комментарии к данной публикации.
    » » O‘zbekistonlik talaba Seulda o‘tkazilgan «Quiz on Korea» tanlovi mutlaq g‘olibi bo‘ldi